Kabanata 17

"Mr.Goldmann, bakit mo naman naisip na sinadya ko iyon? ang tanging ginawa ko lang ay ipareha ka kay Willow, hindi ha?" Paliwanag niya habang nagpupumiglas.

Sapilitan siyang hinila ni Nolan, at muntik nang bumagsak si Maisie sa mga braso niya.

Malamig ang kaniyang boses. "Ikaw ang nagsabi kay Willow na imbitahin ako sa bahay ng mga Vanderbilt. At iyon ang pinaplano mong gawin?"

Nagulat si Maisie at nagduda. Saka siya tumingala, pinantayan ang tingin ni Nolan at natawa. "Ako pala ang nagsabi kay Willow na imbitahin ka sa bahay ng mga Vanderbilt? napakaganda ng reputasyon ko, ano?"

Mariin at malamig ang titig ni Nolan. "Maisie Vanderbilt, wala ka sa posisyon para pakialaman ang kung anumang mayroon sa amin ni Willow. Wala akong pakialam kung anong balak mo, huwag kang umaktong parang isa lanh wisenheimer."

"Nolan, mayroon akong sasabihin sa iyo ngayon. Hindi ko sinabi kay Willow na imbitahin ka rito. Kahit na hindi ko alam kung anong sinabi sa iyo ni Willow, wala akong kinalaman rito."

Tinabig ni Maisie ang kamay ni Nolan at seryosong sinabi, "Wala akong pakialam sa kung anumang mayroon sa inyong dalawa. Kaya bumalik ka na at sabihin mo sa girlfriend mo na huwag ituro sa akin ang mga daliri niya sa tuwing kailangan niya ng mapapasahan ng sisi. Hindi ako kung sino lang na pwede niyang banggain kung kailan niya gusto!"

Wala ng pakialam si Maisie sa imahe at mga salitang sinasabi niya dahil sa matinding galit. Tumalikod siya at aalis na sana pero bigla siyang hinila ni Nolan papasok ng sasakyan.

"Mr. Goldmann, anong ginagawa mo? bitawan mo ako!" Tinulak ni Maisie ang naka-lock na pinto sa likod at tiningnan nang masama si Nolan na papasok pa lang ng sasakyan. "Nolan Goldmann, pakawalan mo ako, o tatawag ako ng pulis!"

"Gawin mo ang gusto mo." Hindi siya pinansin ni Nolan at pinaandar na ang sasakyan.

Si Willow na kalalabas pa lang ng bahay ay nakakuyom ang mga kamao habang pinapanood ang pag-alis ng sasakyan.

Minaneho ni Nolan ang kotse sa kawalan at hininto ang kotse. Alerto siyang tinitigan ni Maisie. "Anong ginagawa mo? nasa gitna tayo ng kawalan. Plano mo ba akong patayin dito?"

"Lumabas ka," Dalawang salita lang ang sinabi ni Nolan.

Pinagmasdan ni Maisie ang kadiliman sa labas ng sasaktan at nagtanong, "Gusto mong bumaba ako dito?"

Tila wala ng pasensya si Nolan. "Sinasabi mo bang hindi mo naiintindihan ang simabi ko? lumabas ka ng kotse!"

Nag-alinlangan si Maisie, tinulak niya ang pinto, at lumabas ng sasakyan. Kaagad na nagmaneho paalis si Nolan pagkatapos masara ng pinto.

Habang pinapanood ang paglalaho ng ilaw ng sasakyan, sumigaw si Maisie. "Mr.Goldmann, ang lakas ng loob mo!"

Napakadilim ng paligid, at hindi na makita ang dulo ng walang katapusang highway.

Maririnig ang tunog ng mga insekto na nagmumula sa gubat. Inilawan niya ang paligid gamit ang flashlight ng kaniyang cellphone at naglakad sa kabilang bahagi ng kalsada. Mga bato at tubig-dagat lang ang nasa ilalim ng bangin sa gilid.

Gustong tumawag ni Maisie ng taxi, pero walang signal sa lugar na ito.

'Hindi naman siguro ganoon kasama kung dito ako magpapalipas ng gabi, tama?'

Matagal na minaneho ni Nolan amh kotse bago niya ito hininto sa gilid ng kalsada. Hindi niya alam kung anong problema sa kaniya, pero talagang nawalan siya ng pasensya kanina.

'Nakakainis talaga ito. Akala ko talaga ay si Maisie ang nagsabi kay Willow na imbitahin ako sa bahay ng mga Vanderbilt para lang kausapin ako tungkol sa pagpapakasal kay Willow.

'Hindi ko kailanman inamin sa publiko na girlfriend ko si Willow. Kahit na si Stephen at nanay ni Willow ay walang lakas ng loob para tanungin ako kung kailan ko papakasalan si Willow. At wala nga akong plano na pakasalan si Willow, kahit na si Willow ang babaeng nakatalik ko noong gabing iyon.

'Pero ang sabi ni Maisie ay hindi siya ang nagsabi kay Willow na imbitahin ako sa bahay ng mga Vanderbilt. Kung ganoon, bakit sinabi sa akin ni Willow na si Maisie ang nagsabi non? nagsisinungaling ba si Maisie, o nagsinungaling sa akin si Willow?'

Nagsalubong ang mga kilay ni Nolan, at hindi na naman siya mapakali.

'Mag-isa lang ang babaeng iyon sa lugar na iyon… Natatakot na siguro siya ngayon, ano?

Pinaikot niya ang sasakyan at nagmaneho pabalik.

Nang bumalik siya sa lugar kung saan niya ito iniwan, nakita niya si Maisie na nakaupo sa isang bato na kaharap ng beach.

Nakaupo nang tuwid ang maganda nitong anino, at nakalugay amg mahaba, makapal at kulot nitong buhok. Sinuklay nito ang buhok gamit ang mga daliri, nagsuot mg hairband, at nabunyag ang manipis nitong leeg. Para siyang isang napakagandang swan.

Binalot ng langit sa gabi ang katawan niya na para bang isang misteryosong gasa, sinuman ay gugustuhing punitin ang gasang ito.

Lumingon si Maisie at nagulat sa lalaking nakatayo sa likuran niya. Nakangisi niyang sinabi, "Akala ko ay balak talaga akong iwanan nang magdamag ni Mr.Goldmann dito. Hindi ko inakalang makokonsensiya ka, huh?"

Kumunot ang noo ni Nolan habang pinapanood niya si Maisie na tumayo at lagpasan siya. Hinala niya ay humahanga siya isang supernatural figure. Mas lalong ayaw niyang aminin na mayroon siyang naiisip na mainit sa pagtingin lang sa babae habang tinatali nito ang buhok.

Lumapit si Maisie sa likuran ng kotse at akmang bubulsan ang pinto nang marinig niya ang boses sa likuran. "Sa harapan ka umupo."

Lumingon sa kaniya si Maisie.

Walang emosyon ang kaniyang tono. "Hindi mo ako driger."

Sumakay sa kotse si Nolan pagkatapos sabihin iyon.

Naglakad si Maisie patungo sa harap ng passenger seat, sumakay sa kotse at naupo. "Mr. Goldmann, magulo kayong lalaki."

Hindi siya pinansin ni Nilan at nagmanehong madilim ang mukha.

Hindi na rin nag-abala si Maisie na makipag-usap sa kaniya. Sinandal niya ang ulo sa kaniyang kamay at dumikit sa bintana ng kotse. Nang makaalis sa kadiliman ang kotse, tumunog ang cellphone ni Maisie.

Tiningnan niya ang kaniyang cell phone- si Wayton ang tumatawag!

'Oh my God, 9:30 om na! Nag-aalala na siguro sila nang sobra dahil hindi pa ako nakakauwi nang ganitong oras.'

Sinagot niyanang tawag, at kaagad na naging banayad ang kaniyang tono. "Hello, sweetheart?"

Nagdilim ang ekspresyon ni Nolan. 'Sweetheart? mayroon ba siyany boyfriend?'

"Pasensya na, mayroon lang nangyari at nagkaroon ng delay. Pauwi na ako ngayon, kaya hintayin mo na lang ako sa bahay. Muack~See you." Pinatay ni Maisie ang tawag.

Suminghal ang lalaki sa tabi niya. "Boyfriend?"

Sinulyapan siya ni Maisie habang malapad ang ngiti. 'Oo, ang lalaki sa buhay ko."

'Hindi lang isang 'lalaki' ang naghihintay sa akin sa bahay, kung hindi dalawang lalaki!

Walang sinabi si Nolan, pero mas lalo siyang nakaramdam ng pagka-irita.

Pinalabas niya kaagad ng sasakyan si Maisie nang makarating sila sa downtown. Salamat sa hindi maipaliwanag na attitude ni Nolan, ang tanging nakuha lang ni Maisie sa byahe nila ay ang gulat niyang mukha.

10:00 pm na nang makauwi siya, itinabi ni Waylon ang tsinelas niya at kumunot ang noo. "Mommy, mayroon ka bang kasamang masamang lalaki kanina?"

Tumawa nang malakas si Maisie. "Paano mo nalaman?"

Humalukipkip si Waylon at nagpaliwanag. "Tinatawag niyo lang kaming sweetheart sa phone kapag mayroon kayong kasamang masamang lalaki."

'Pro na si mommy pagdating sa ganiyang mga sitwasyon. Noong nakatira kami sa ibang bansa, magpapadala siya ng message kay Colton o sa akin at sasabihin na magpanggap kaming boyfriend o asawa niya sa tuwing tinatawag siya ng mga lalaking hindi niya gusto.'

Lumuhod si Maisie at hinaplos ang maliit na pisngi ni Waylon. "Ang matalino kong anak, bawat detalye talaga ay naaalala mo, huh. Nasaan sina Colton at Daisie?"

"Nakatulog na sila."

Tinapik niya ang ulo ni Waylon. "Salamat. Palagi mong inaalagaan ang mga nakababata mong kapatid kapag wala si Mommy sa bahay."

Binuka ni Waylon ang mga kamay. " Ako ang panganay, hindi ba?"

******

Sa Vaenna Jewelry…

Naglakad si Maisie papunta sa elevator at papasok na sana, pero naabutan siya ni Willow at hinila siya.

"Willow Vanderbilt, naghahanap ka ba ng away?" Binawi ni Maisie ang kamay at nginisian si Willow.

"Maisie Vanderbilt, hindi ko inasahang mayroon ka pa lang balak, huh?"

"Anong binabalak ko?" Tumawa si Maisie.

Nagngalit ang mga ngipin ni Willow at tiningnan nang masama si Maisie na para bang gusto niya itong punitin. "Hindi ba't binalaan na kita na huwag magkaroon ng interes kay Nolan? Anong ginawa niyo kagabi?"

Nakita niyang sumakay si Maisie sa kotse ni Nolan, at hindi na bumalik si Nolan kagabi.

'Siguradong inakit ng bruhang ito si Nolan!'