Kabanata 138

Natigilan si Maisie at napayuko siya.

"Bakit bigla mong gustong sabihin sa akin ngayon?"

Ayaw ni Stephen na pinag-uusapan ang nanay niya, at akala ni Maisie ay kinalimutan niya na iyo. Nalulungkot siya sa tuwing nakikita niya si Willow at Leila.

Nakita ni Stephen ang pagkadismaya sa kaniyang mga mata, mabigat ang kaniyang puso. "Ayaw kong pag-usapan dahil ayaw kong maalala."

"Gustong-gusto kong malaman, ganoon ka ba kagalit sa nanay ko?"

Binigyan siya nito ng anak pero mas higit pa rin si Leila?

Nagngalit ang mga ipin ni Stephen. "Hindi mo alam ang nangyari sa amin ng nanay mo, at inisip mo kaagad na galit ako sa kaniya?"

Umiwas ng tingin si Maisie at walang sinabi.

"Zee, hindi mo siguro alam na noong pakasalan ako ng nanay mo, siya ang lumapit sa akin. Hindi kami nagpakasal dahil sa pag-ibig."

Hindi dahil sa pag-ibig?

Natigilan si Maisie dahil sa gulat.

Malungkot ang itsura ni Stephen. "Bata pa ako at mataas ang pangarap, gusto kong magkaroon ng career sa Bassbur