Kabanata 142

‘Pagmamay-ari ng nanay ni Maisie ang bracelet, pero paano ko naman malalaman na isa palang noblewoman ang nanay ni Maisie? Kung ibabalik ko ang bracelet kay Maisie, hindi ba’t gumagawa lang ako ng oportunidad para makilala siya ng mga ito?’

‘Bakit ko hahayaan na mabawi ni Maisie ang pagkatao niyang ito para matapakan niya kami habang-buhay?’

“Pero, si Dad…” Mayroon pa rin inaalala si Willow.

Pinag-isipan muna ito ni Leila. “Marahil ay hindi ito alam ng dad mo, kaya huwag mong hayaang malaman niya ito o ng lola mo.

“Willie, dalhin mo ang bracelet at kausapin mo si Madam Lucas, humanap ka ng paraan para maitago ang nakaraan mo hanggang sa makakuha ka ng pagkakataon na makalapit sa mga de Arma. Makukuha mo ang lahat ng gugustuhin mo kapag nakuha mo ang lugar ng babaeng iyon sa pamilya niya!”

Sanay na si Leila sa hirap simula noong bata pa siya. Kung hindi niya nakilala si Stephen, nakatira pa rin siya sa isang maliit na kubo na malayo sa lungsod.

Ayaw niyang maging katulad niy