Chapter 109.4

NAITIKOM NA NANG mariin ni Bethany ang kanyang bibig. Dama niya kasi ang pagkagulat at the same time ay pagtatampo sa tinig ng abogado. Pumasok sa isip niya na mukha yatang sumobra ang sinabi niya sa binata kung kaya naman ganun na lang ang reaction nito. Kusa rin naman kasing lumabas ang salitang iyon sa kanyang bibig. Hindi niya intensyon na muli itong tawagin ng pormal after ng mahabang panahon.

“Sabagay, sa tingin ko rin ay mabuti para sa isang babae na kagaya mo na magkaroon ng sariling karera.” tanging nasambit ni Gavin nang makita ang pananahimik ng dalaga, ayaw niyang isipin nito na hadlang siya sa mga pangarap nito kung saan siya magaling. “Diyan ka magaling, diyan ka sanay eh.”

Gumaan na ang pakiramdam ni Bethany nang marinig iyon dahil parang hinahayaan na siya ng binata sa kanyang mga naging desisyon sa buhay. Hindi nga siya nagkamali na ang supportive ng abogado. Sa iba, paniguradong katakot-takot na maraming katanungan ang ibabato sa kanya hanggang sa maasar na siya.

“