94 - Breakfast in Bed

"I pronounce you husband and wife. You may now kiss the bride."

Isang masuyong halik ang binigay ni Henrik kay Trinity at kasunod niyon ay palakpakan ng tatlong tao na naging testigo na kasal na sila.

Isang civil wedding ang naganap at ang tanging bisita lang ay si Favio, aguela at aguelo niya. Maliban doon, wala ng iba. Siya ang may gusto noon at ayaw niyang maraming makakaalam. Sa isang judge sila kinasal.

Nung una ayaw niyang tanggapin ang alok ni Henrik hanggang sa naalala niyang kailangan niya ng tulong. Para sa anak niya. Hindi niya kakayanin ang operasyon. Balak niyang lumuwas sa ibang bansa at magpaopera at kailangan niya ng malaking pera sakali.

Kung nung una, okay lang sa kaniya na mamatay siya. Ngayon, huwag muna. Huwag muna!

"Congratulations sweety!" Mabilis na lumapit ang aguela at aguelo niya sa kaniya at niyakap siya nang mahigpit.

Yumakap din siya sa mga ito. Pinapangako niyang dadalawin niya pa rin ang mga ito kahit mag-asawa na sila ngayon ni Henrik.

"Congratulation