93 - Deserve

Pero sa loob ng pitong araw na iyon, puro pagsusuka at walang gana siyang kumain. Ang tanging kaya lang ilagay sa kaniyang sikmura ay saging at itlog. Maliban doon, wala na. Pati kape ay ayaw dumaan sa lalamunan niya kaya tubig na lang muna din siya.

Nag-alala na rin ang aguelo at aguela niya para sa kaniya pero sinabi lang niya sa mga ito na sinat lang hanggang isang araw ay kinausap siya ng kaniyang aguela. Nasa hardin siya noon at tinanong sa kaniya kung sino ang Ama ng kaniyang dinadala.

Doon siya halos mawalan ng kulay. Hindi makasagot at gulat na gulat sa naging tanong nito. Kung babalansehin, kasiyahan at excitement ang nakikita niya sa mata ng aguela niya habang siya, mixed emotion.

Kaya ngayon, para maputol ang maraming katanungan sa isip niya, nagsadya siyang bumili ng dalawang pregnancy test sa isang grocery store. Kaagad siyang pumasok sa isang banyo at kumuha ng test. Naghintay siya ng ilang segundo at nung lumabas ang resulta, bigla siyang namutla.

Nanginig ang kaniyang