71 - Favio

Sa harap ng bahay ni Henrik siya pinadpad ng kaniyang paa. Ilang oras din siyang bumyahe pero okay lang, wala siyang nadamang pagod. Dahil na rin sigurong matagal ng napagod ang puso niya.

Nag-iisip siya kung bababa ba siya ng kaniyang sasakyan at mag-door bell sa gate nito. Pero nang makita niyang wala pa ang sasakyan ng binata, nagtiis na lamang siya sa loob ng kaniyang sasakyan. Wala siyang access sa bahay ng lalaki kaya hindi siya pwedeng umastang libre sa bahay nito.

Isang oras din siyang naghintay sa loob ng kaniyang sasakyan at 'di niya namalayang nakatulog siya sa paghihintay. Nung magising siya, wala pa rin ang lalaki at mukhang wala itong balak na dito umuwi sa resthouse nito.

Malalim na ang gabi. Napasulyap siya sa kabilang bahay. Alam niyang resthouse ito ni McCluskey. Bahagya siyang napabuntunghinga at nagdalawang isip na tawagan ang lalaki.

Nanaig ang kagustuhan niyang tawagan ito. Nag-dial siya sa numero nito at nakailang ring muna iyon bago may sumagot sa kabilang liny