74 - Flashback

Hindi nakapag-decide si Trinity kung anong damit ang susuotin sa harap ng life size mirror. Para pa rin siyang namamalikmata ngayong malaki ang binawas ng kaniyang timbang. Anim na buwan, anim na buwan niyang nakuha ang ganitong katawan na matagal niya nang pinagarap para mapansin lang ng isang Henrik Gustavvson.

Ngayon hourglass na ang dating bilog niyang katawan, nagkaroon na rin siya ng kompyansa sa sarili. Mahirap maging kumpulan ng tukso. Paboritong subject sa biology na parang isa siyang hayop at paborito i-bully ng mga kaklase niya noon.

Nagpasalamat siya na nakilala niya si Amara. Kung hindi dahil sa dalaga na palaban, baka nanatili siyang matabang balyena at outcast palagi sa kahit saang school. Isa si Amara sa naging inspirasyon niyang magpapayat at hindi niya pa nakalimutan 'yong binili nilang gayuma sa Quiapo.

“This one.” Mabilis niyang dinampot ang itim na damit kung saan litaw na litaw ang kaniyang maliit na beywang at makinis na likod. Seductive siyang tingnan sa damit