77 - Bahala

Nanghihinang napasandal si Trinity sa upuan ng kaniyang maliit na opisina sa Trinia's Hideout. Ang lakas pa rin ng tibok ng kaniyang puso. Kung hindi siya nakainom agad ng maraming tubig, baka naa nahimatay na siya.

Isabay pa ang kaniyang ulo ngayon na parang pinukpok na naman sa sobrang sakit. Kulang na lang ay ibangga niya ito sa pader para lang mawala. Masakit na nga ang kaniyang puso, pati ba naman ang kaniyang ulo ay nakikisabay rin?

Napatingin siya sa kaniyang cellphone nang tumunog ito. Text galing kay Henrik. Nagtatanong ito kung ano ang problema.

Pinatay niya ang kaniyang cellphone at napatingin sa kesame. Para naman sirang plaka na naglalaro sa kaniyang utak ang masarap na pinagsaluhan nilang dalawa kagabi. Kung pagkain si Henrik, hindi siya kailanman magsasawa rito.

Kapagkuwan ay nagpasya siyang lumabas. Hindi makakatulong sa kaniya ang magmukmok at magtago sa opisina niya. Pero bago iyon, kinuha niya sa kaniyang bag ang isang botelya ng gamot. Kumuha siya roon ng isang pir