Chapter 2

"Bangon na, Sabby, maaga dapat tayo sa simbahan," bungad ni ate Wendy sa akin sa kwarto. Hindi ko na katabi sina mama at papa, parang ako na lang yata ang nakahilata sa kama sa oras na iyon. "What's the time na po ba, ate?" tanong ko habang kinukusot ang aking mga mata.

"Pasado alas sais na, bumangon ka na, nakahanda na sa kusina ang almusal, tara na't nang sabay-sabay tayong kumain." Sabi pa nito  habang pinapagpag ang bedsheet at mga ponda sa tabi ko. Sa totoo lang, si ate Wendy yata ang halos nakatoka sa mga gawain sa bahay since abala si mama sa opisina niya sa baranggay. Tamad kong tinungo ang ibaba at doon nagtungo sa may banyo. As usual, nakapila na naman kami nila ate Matilda, at Franchesca. Hindi pa kasi natatapos ang mahal kong kapatid na si ate Adeline. Rinig pa namin itong kumakanta sa loob.

"That's why you shouldn't sing while bathing, ate. Nagtutunog wang-wang ka ng ambulansya." Pasigaw kong sambit para saktong marinig niya sa loob. Tahimik na napangiti lamang sina ate Matilda at si Franchesca na nakakibit-balikat lang sa gilid.

"Who's next?" tanong ko kay te Matilda pero ang sumagot ay si Franchesca.

"Siyempre ako, alangan namang ikaw?"

Napakagat-labi ako sa narinig at iniba ang ihip ng hangin. "Hmm, gan'on ba, oh siya, I'll eat first na lang," sinilip ko ang nakatabon sa lamesa. Ginataang sabaw iyon ng karneng baboy at isang bowl ng fresh vegetable salad, if I know, si ate Adeline ang nag-request n'on kay ate Wendy. As far as I know, si ate Adeline at ate Wendy yata ang may pagkapihikan sa pagkain since nagdidyeta ang mga ito.

"Nasaan sina mama?"

"Nauna na sa simbahan," dinig ko mula kay ate Wendy na nakasuot pangsimba na. Kulay puting blusa iyon. Abala ito sa pagsabit ng hikaw sa mga taenga niya.

"Sabay na tayong kumain," dagdag pa ni Wendy na inayos ang hapag.

"Maliligo pa ako." Mababang boses ni ate Matilda.

"Busog pa ako," hirit din ni Franchesca.

Nang biglang nagbukas ang pinto ng banyo.

"Tapos na ako," nakangiting sambit ni ate Adeline habang nakatapis ng roba niya.

"Kumain na tayo, sige na, don't let the grace wait for us, it's Sunday pa naman." Hinatak ni ate Adeline ang dalawang sina Matilda at Franchesca papunta sa hapag at ipinaupo. Magkatabi sina ate Matilda at Franchesca sa kaliwa habang katabi ko naman si ate Adeline at nasa gitna naman ang walang imik na si Wendy. Pinagsasandok niya kaming lahat, to the point na parang siya na ang mama namin.

"Kanin oh," abot pa niya sa akin na kinuha ko naman.

"Salamat po."

Nang makapwesto na sa hapag ay tahimik silang lahat habang ngumunguya. Tanging mga kobyertos lang ang naririnig ko. Nakaka-asiwa at mas lalong lumalim ang buntunghininga ko sa oras na iyon, kaya I choose to open a topic while eating.

"Sinong sasabay magsimba?" tanong ko sa lahat.

"Ako, pagkatapos mamalengke ako." Diretsong tugon ni ate Wendy.

"Mamaya na ako, may kukunin pa ako," himig naman ni ate Adeline na noo'y uminom ng tubig.

"Sasabay ako, Sabby, para may kasama kayo ni Wendy." Sambit ni ate Matilda habang nakatingin sa akin.

"Ikaw?" tanong ko pa kay Franchesca na parang wala yatang narinig sa mga pinagsasabi namin.

"Hmm? Ako? Bakit?" Wala sa lugar pa itong sumimangot.

"Magsisimba ka?" ulit ni ate Matilda sa tanong ko kanina.

Umiling pa ito na tila natatawa. "Para ano pa? Baka masunog ako doon, alam n'yo namang hindi ako malapit sa panginoon eh," aniya saka pa uminom ng tubig at mahinang nagmaktol. "Blacksheep nga 'di ba?" anas niya na nakatingin kay ate Adeline at sa akin.

"Tapos na ako." Si Wendy.

"Done," ani Adeline na mabilis na nilagpasan si Wendy at inabot ang pinggan. "Mauna na ako ah, baka nasa labas na ang sundo ko." Nagmamadaling tinungo nito ang ikalawang palapag at nawala na sa aming paningin.

"Maliligo muna ako," sabi ni te Matilda na rason upang maiwan kaming dalawa ni Franchesca sa hapag.

"H'wag na h'wag mong subukang mag-utos na pahugasin ako ah, hindi ako maghuhugas ngayon!" protesta ni Franchesca kahit hindi pa naman ako nakakapagsalita.

Itinaas ko lang ang dalawang kamay sa ere as my peace sign. Kung kailan talaga, oo. Hindi talaga kami magkasalubong ni Franchesca. Kung may negative at positive poles ang magnet, mayroon naman kaming hot and cold menu sa isa't-isa.

Mayamaya pa ay nabungaran ko sa hamba ng hagdanan si ate Adeline na nagmamadaling tinungo ang bungad ng pinto.

"Gotta go, sis, ipagkumpisal mo na lang muna ako ah." Pahabol pa niya sa akin na ginawaran pa ako ng halik sa pisngi.

Matapos pumunta sa kwarto ay saktong nagsintir muna ako sa may bintana. Tinetyempo ko ang oras kung kailan matatapos sina ate Matilda sa ibaba sa banyo. Bahala na kung mahuli ako ngayon, sanay naman ako.

Halos kalahating oras nang marinig ko ang mga yabag sa hagdan kaya naghanda na rin ako ng susuotin para doon na lang ako sa banyo magbihis.

Saktong pababa ako sa hagdan nang makasalubong ko si ate Matilda.

"Te may shampoo pa ba doon?" yamot na tanong ko.

Tumango lang ito saka pa nagsalita. "Magmadali ka ah, pareho pa naman kayo ni Adeline, hay naku, ba't kasi kayo matagal sa banyo, nagmumuni muni ba kayo roon?" iiling-iling na tanong niya na hindi ko na rin pinansin. Sanay na ako sa sermon ni ate Matilda, pero as if hindi naman ito galit, sadyang may pagka-nanay lang talaga ito kung makapagsalita sa aming lahat.

Tinungo ko na ang banyo at doo'y mabilis na naligo ala pusa, bahala na. Mabilis pa naman 'yon si ate Matilda, baka iwan ako n'on.

Ilang minuto lang ang nakalipas at natapos na rin ako at heto nga't nasa harap na ako ng salamin. "Tara na," hila ni ate Matilda sa'kin kahit pa hindi ko matapos-tapos ang pagsuklay sa aking mahaba't makurbang buhok.

"Mauna na ako ate Matilda," paalam naman ni Franchesca na nilagpasan lang ako na tila wala ako sa paningin niya. Aba't si ate Matilda lang yata ang nakikita eh. Hinila ako palabas ni ate Matilda at noo'y tahimik na nilakad ang mga sakayan ng tricycle.

Nakita agad namin si kuya Badong na inaanak nila mama't papa. Magkasing-edad lang kami nito kaya kami ang magkasundo sa lahat. Siya rin kasi ang madalas kasama ko sa paglakad at pagbili ng mga samo't-saring materyales sa baranggay.

"Oy, dong, pasakay nga. Sa simbahan kami ni ate," gayak ko sa oras na iyon. Tahimik lang din si ate Matilda na sumakay sa tabi ko.

"Good morning sa inyo, Sabby, ate Matilda," malambing na boses nito na parang may tono since ilongga ang mama nito.

"Tara na." Ngiting tugon ko pa sa binata. Ngiti lang din ang tugon ni ate Matilda dito. Ilang minuto pa ang nakakaraan at nandoon na kami sa harap ng simbahan. Nagsisimula na ang misa.

"Salamat Badong, heto oh," abot ni ate Matilda sa bayad. "Naku, ate, h'wag na. Basta po kayo, libre lang." Nakangiting wika nito na sa akin nakatingin. I know that looks, alam kung nagpaparinig siya sa akin. Isa sa mga manliligaw ko si Badong pero kapatid na rin kasi ang turing ko sa kaniya kaya hindi ko siya sinagot.

"Mauna na kami, ah." Ani ate Matilda. Ngumiti lang din ako at nag-wave lang ng kamay sa binata. Sayang-saya naman ito sa ginawa ko.

Nang makapasok sa simbahan ay tanaw agad namin sina mama at papa na nasa bandang unahan na tila inaasikaso ang mga offerings at mga sobre ng pari. Aktibo sila mama at papa sa simbahan kaya, madalas napapasama na rin kami. Ika nga nila, malugod na tinatanggap ng diyos ang sinumang bukal sa loob na maglingkod sa kaniya. Panata na rin kasi nila mama at papa ang tumulong since malakas ang pananalampalataya namin na gumaling si papa sa dinaramdam nito sa puso.

"Pst, ano pang tinatayo mo riyan, umupo ka na." Tawag pa ni ate Monday sa akin na noo'y katabi na si ate Wendy. Hawak nila ang mga bulaklak na iaalay mayamaya. Bantulutot na sumunod ako sa pag-upo at patay malisyang nilibot ang kabuuan ng simbahan.

Hindi masyadong malaki ang simbahan na iyon, sakto lang ang laki na nag-a-accomodate ng higit limang daan na katao. May mga mosaic sa mga salaming bintana at ang agaw atensyon na painting sa harap ng altar. Maraming mga botanical landscapes sa gilid niyon at isang telang puti para sa projector. Naroon sa gilid ang mga choral group na nagsisimulang kumanta at ang lalaking nagtitipa sa organ. Naningkit ang mata ko nang masilayan ang pagmumukhang iyon.

Aba't tumatanggap pala ng demonyo ang simbahang 'to, buti't hindi napaso ang 'langya!

Sambit ko nang makita ang pagmumukha ni Tonyo, ang lalaking hate ko since college. Oh, heavenly god! Alam ng dyos kung saan aabot ang pagkakamuhi ko sa kaniya.

"Anong nilolobo ng ilong mo, Sabby?" tanong ni ate Matilda sa akin na hindi ko sinagot. Nakatuon ang paningin ko sa lalaking iyon.

"Ay naku ate, first love never dies," natatawang sambit naman ni ate Wendy na siyang ikinalingon ko.

"Asa pa siya!" Nakalimutan kong ilang dipa lang pala ang agwat namin mula sa harapan kaya napalingon ito sa aking gawi na siyang mas ikinasingkit pa ng mata ko.

Nakangiti ito at kumaway pa sa akin.

Damn it!  Why the hell my heartbeat run so fast, again? No way!