Chapter 35: You're mine

NAPATINGALA si Sean sa isang malaking bahay nang makapasok ang kotse sa isang mataas na gate.

Nakakamangha ang ganda niyon at ang lawak ng harden. Sa bandang gilid ay matatanaw ang kulay asul na swimming pool. Nahahati iyon sa dalawa at alam niyang pambata ang isa doon.

"Welcome home, Miss Nicole and Young Master Sean!" sabay-sabay na bati ng sampung katulong na nakatayo sa bukana ng pintuan.

Nakangiting sinalubong ng donya ang dalawa sa bukana palang ng pinto. Si Danica at Rita ay naroon din pero parehong tahimik na nakatingin sa dalawa. Kalaunan ay makikita sa mga mata ni Rita ang pagkamangha nang tuloyang masilayan ng malapitan ang mukha ni Sean.

Dumiritso ang tingin ni Nicole sa batang babae na nasa tabi ni Danica. Nakaakbay doon ang kamay ng babae at halatang pinipigilan itong umalis sa tabi nito.

"Finally, you're home!" umalingawngaw ang masayang boses ni Donya Asuncion. Mahigpit nitong niyakap si Sean.

Masayang pinagmasdan ni Nicole ang matanda. Halatang masaya ito na makasama