CHAPTER 05: Low Profile

Nakatanggap ng tawag si Cailyn at narinig ang piling salita.

“Hindi ko na kayang maging katulong niya sa mga susunod pang araw.” Saad nito.

Nagmamadali naman siyang tumayo at nag almusal na inihanda ng kasambahay ni Jasper. Bigla naman niyang napaisip sa dating sitwasyon na kinaharap niya kasama si Austin. Kung saan siya ang nagluluto at naghahanda sa pagkain nilang dalawa.

Laking pasalamat niya na lang nang ginising siya sa katotohanan.

Sa kalagitnaan ng pagkain niya ng almusal, dumating naman ang kaibigan nitong si Jasper na tila may dala-dalang balita. 

Sino ang mag aakalang naitatag ng dugo’t-pawis niya ang Cai Cosmetics Group. Isa na ito sa pinakasikat na makeup at healthcare brand sa buong Pilipinas na itinatag ng sinong mag aakalang naitatag ng isang kasambahay. 

Sa katunayan, hindi pa siya kasambahay nang magkaroon na siya ng ideya at kaalaman tungkol dito. Bata pa lamang siya nito at tinuturuan ng kanyang lola. Dagdag na rin nito ay nakapag aral siya sa Unibersidad ng Pilipinas at nagtapos ng medisina. 

Sa panahong din iyon, natulungan niya ang ina ni Austin na si Emelita sa karamdaman nito. Menopause na ang ina niya at may dinaramdam din katulad ng malubhang spots sa mukha, insomnia at anxiety.

Sa pagkakataong iyon, gumawa ng paraan si Cailyn upang maibsan ang sakit na nararamdaman ng ina ni Austin. Gumamit siya ng mga herbal at tradisyonal na medisinang pamamaraan base sa karamdaman nito, lalo na ang sakit sa balat sa parteng mukha. 

Sa pagpapakulo niya ng luya at iba pang mga herbal, ‘di niya inakalang nakatulong ito sa hirap na pagtulog ng ina niya. Kaya naman tuwang-tuwa sa kanya noon ang ina nito at inirekomenda pa sa iba.

Para sa kanila, napakaimportante na maalagaan nila ang katawan, mapanatiling maganda at mas mukhang bata sa edad nila. 

Kaya naman kinuha niya na ang oportunidad na ‘yon para gumawa ng sariling brand na may iba’t-ibang uri ng all-natural skin care makeup and feminine health care products.

“Sa tagal na hindi namin pagkakilanlan sa may-ari ng Cai Cosmetics, p’wede na ba naming i-announce sa publiko?”

“Ayoko muna siyang pangunahan, pasensya na.” Tugon na lamang ni Jasper.

Maliban kay Jasper at sa iba pang mga assistants, wala ng may iba pang may alam kung sino ang nagmamay-ari nito. Hindi nila alam na si Cailyn Ramirez Buenaventura ang CEO ng produktong iyon.

Lumipas ang limang taon, talaga namang pumatok sa masa ang mga produkto niya at kumita na ng higit sampung bilyon at patuloy pa hanggang sa ngayon.

“Paano kung malaman ng asawa mo ang patungkol dito? Hindi kaya siya manghinayang sa kung anong mayroon ka na ngayon?” biglang tanong ni Jasper sa nakatulala na lamang na babaeng si Cailyn.

Ngumiti na lamang siya at hindi na umimik. 

Hindi siya sa takot, kundi nais niya munang ‘wag mag-desisyon nang hindi masyadong pinag iisipan lalo na sa panahong ito. Lalo na’t kinakailangan niyang sundin ang bilin ng doktor na iwasang kumilos ng mabibigat at magpahinga na lamang. 

Nanatili siya sa loob ng unit at nang pumatak ng alas-singko, isang tawag ang ‘di inaasahan niyang natanggap. Ang biyenan nitong si Emelita Buenaventura.

“Tita?”

“Cai, narinig ko na may dinadala ka raw na kambal, totoo ba ‘yon?” masayang tanong niya. 

Si Emelita ay may dalawa ring anak at isa rito ay si Austin na pangalawa sa magkakapatid. Ang panganay naman ay pinangalanang Ace.

Si Ace ang pinakamataas na tagapagmana ngunit naipasa kay Austin nang maaksidente at hindi na muling bumalik ang kuya niya. Kaya naman nag iisa na lang si Austin na magmamana ng lahat ng kayamanan ng pamilyang Buenaventura.

Nung una ay hindi pabor ang ina nito sa kasal ng dalawa ngunit kalaunay natanggap naman na nito.

Sa araw ng pagkamatay ni Ace, pumunta ang dalawang magulang nito sa California kung saan nangyari ang aksidente. Ayaw naman ni Cailyn makaistorbo sa kanila kaya mas pinili niyang hindi muna sabihin ang tungkol sa dinadala niya. 

At ngayo’y tinanong na siya nito, hindi na niya maitatago pa. 

“Thanks, God, buntis ka! Magkakaroon na ako ng apo!” nagagalak na sambit nito na tila ba’y naluluha pa. 

“Nakauwi na kami ng tito mo, bumisita ka ngayon sa dating bahay at mag-dinner tayo. Hayaan mong mahawakan ko ang apo ko.” Dagdag pa niya ngunit nilanaw naman nito na hindi siya ang nais makita, kundi ang dinadala lang niyang bata.

Mabait ang pamilya nito sa kanya at hindi niya nais pang dagdagan ng kahit anong negatibong isipin nang dahil lang doon. 

“Okay po.” Tipid niyang naisagot.

Agaran niya namang kinuha ang atensyon ang driver ng kaibigan niya at nakiusap na dalhin siya nito sa dating bahay ng mga Buenaventura. 

Dumating naman agad sila sa nakatakdang oras. Sa paglabas niya pa lang ng pinto ay agad namang bumungad ang matangkad at matipunong asawa nitong si Austin.

Sa pagtama ng liwanag ng araw sa kanya, ‘di maitatago ang natatanging matipo niyang pangangatawan. Sa bawat pagtulo ng pawis niya ay ang pagkatulala naman ni Cailyn sa kanya.

Sa oras na ‘yon, hindi maipinta sa mukha ni Austin ang nababalot na galit. Nang dumaan siya sa gilid nito ay siya namang pinigilan at hinawakan ang kanyang baywang.

“Bakit hindi ka man lang pinadalhan ni Jasper ng magbabantay sa ‘yo?” mabigat ang mga mata nito at sa pagbukas niya ng bibig, punong-puno ito ng panlalait.

Itinaas ni Caitlyn ang kanyang ulo at humarap sa mga body guards na nasa harap niya. 

“Kaya ko ang sarili ko.”

Dahil nakasuot lang siya ngayon ng flat shoes, mas napansin niya ang tangkad ni Austin na may taas na 168 cm. 

Kahanga-hanga ang kagandahan at kagwapuhan ng dalawa nang muli silang magtagpo. Ngunit ang panunuksong tingin ng lalaki ang pumukaw sa atensyon ng babaeng si Cai. 

“Don’t waste my time, hindi ikaw ang sadya ko.” 

Tumindig siya ng tayo at buong loob at walang takot na pumasok sa sala ng dating bahay nila. Kahit na alam niyang hindi siya ang sadya ng mga kamag-anak nito, tumuloy pa rin siya dahil naninindigan siya sa tama. 

"Can I touch my grand... grandson, I guess?"

Napabuntong hininga naman si Cailyn sa naging bungad ng biyenan nito.

"I haven't confirmed it yet, Tita."

Umikot naman ang mga mata niya at mukhang hindi nagustuhan ang isinagot ni Cailyn.

Well, what does she want to hear though?