CHAPTER 61

"Lintik na! Nauubusan na ako ng pakulo para di sila matuloy! Letcheng buhay 'to! Di ba niya nararamdamang gumagawa talaga ako ng paraan para harangan sila? Napaka-insentive mo Irish!" isinuntok ni Daniel ang kamao niya sa nakabuka niyang palad.

Dahan-dahan siyang naupo sa tapat ng nakasarang pintuan nina Irish. Nag-iisip kung anong palusot ang gagawin niya para di tuluyang mangyari ang iniisip niyang gagawin ng dalawa sa loob ng kuwarto. Kung nakikita lang siguro ni Christian ang pagkabalisa niya ngayon, paniguradong pagtatawanan siya no'n. Mabuti at pinauna niyang matulog at sa madaling araw ay si Christian naman ang magbabantay at siya naman ang matutulog.

Ilang sandali pa ay kinukutuban na siyang may nangyayari na sa loob.

"Tang-ina! Ano ba itong naiisip kong panibagong palusot. Ambabaw lang! Saka yung idea na magsisinungaling ako at gagamitin ko pa ang pangalan ng Presidente! Bahala na!"

Pipindutin pa lang sana niya ang buzzer ngunit natigilan muli siya. Masyadong mababaw ang dahi