Kabanata 25

“S**t!” Napamura ako ng wala sa oras ng sumigid ang kirot mula sa sintido ko. Bigla kasi ang ginawa kong pagbangon, akala ko kasi ay totoo ang lahat ng mga nangyayari sa akin. ‘Yun pala, nadadala lang ng matinding panaginip ang aking emosyon maging ang katawan ko.

Napabuga ako ng marahas na buntong hininga, nang muling nagbalik ang alaala ng gabing nadukot ako. Halos wala akong matandaan sa mga nangyari dahil sa matinding kalasingan.

Isa lang ang naalala ko, at iyon ay ang babaeng nakaniig ko sa loob ng kubô.

Aminado ako na hinahanap-hanap ko ang presensya ng babaeng ‘yun. Noong gabi na may nangyari sa amin, pakiramdam ko ay hindi ako inutil. Dahil makailang beses akong tinigasan sa babaeng ‘yun.

Ang labis na ipinagtataka ko lang, halos parehas ng nararamdaman ko sa babaeng naka one night stand ko ang nararamdaman ko ngayon para sa babaeng nasa kubô.

Ni minsan ay hindi nawaglit sa isip ko ang mga eksenang naganap sa aming dalawa. Nakakalungkot lang isipin na hindi ko man la