Chapter 6: Walang Awang CEO

"Dito pala siya nagtatrabaho," tinapik ng mga daliri ni Gabriel ang mesa habang patuloy niyang pinagmamasdan ang istraktura ng Sapphire Co. Building.  

Simple lamang ang disenyo nito kumpara sa The Elysian Co. Ngunit ang mga bintana ay nag-aalok ng magandang tanawin ng lugar para sa mga naninirahan sa urban area. 

"Sapat na bang dahilan ang isyung iyon para iwanan niya ang lugar na ito nang ganoon na lang?" Napaisip siya habang inaalala ang dahilan kung bakit umalis si Mr. Li sa boardroom. 

Kahit naiirita pa rin siya sa babae, na-curious siya sa dahilan ng pagrerebelde nito sa kumpanyang ito.

"Eto na po sir," agad na bumalik si Mr. Li. 

Binigyan siya nito ng isang folder na naglalaman ng sagot sa kanyang mga tanong. Pagkatapos ay umatras siya upang hayaan siyang basahin ito nang mag-isa. 

"Hindi pa ho siya iniimbestigahan, sir. Hindi po natin alam kung ito ay mga katotohanan o mga haka-haka lamang,” depensa ni Mr. Li sa Chief.

Tumango lang si Gabriel na kunwaring sang-ayon sa kanya. Ngunit sa pag-scan niya sa mga pahina, nalaman niya kaagad na ito ay matibay na batayan para sa Chief na maalis sa kumpanya. 

Kahit papaano ay gumaan ang loob niya nang malaman na ang babaeng nakatagpo niya ay may makatwirang galit, sa halip ng pagpapakita lamang ng masamang ugali. 

At baka naman hinarap niya pa rin ang sitwasyon na ito nang may diplomasya.

‘Kaya lang, sa ugaling pinakita niya kanina, hindi ko alam kung ganoon nga ang ginawa niya,’ ‘ naisip niya na nagpasalubong sa kanyang makapal na maitim na kilay. 

‘Kung ganoon ang ginawa niya sa akin na hindi pa niya kilala, ano pa ang kaya niyang gawin sa taong kilala niyang nang-aapi ng ibang tao?’

"I wonder how scandalous this place is a few hours before I came here," kumislap ang amusement sa kanyang mga mata.

“Magiging isang masamang rekord ito para sa Sapphire Co. kung lalabas ito,” saad niya kay Mr. Li. “I suggest baguhin nyo ang terms ng contract niya mula  extermination to resignation.  It would be more beneficial to Sapphire Co. that way.”

"Yes, sir!" isang misteryosong ngiti ang nagpa angat ng labi ni Mr. Li. ‘Mukhang malapit ang relasyon niya kay Miss Chen.’

Ngunit wala si Gabriel sa oras na iyon ng araw na iyon upang saksihan ang mga manggagawa ng ibang kumpanya na magkagatan sa isa't isa. Marami siyang importanteng bagay na dapat asikasuhin. Hinila niya ang kanyang manggas para tingnan muli ang kanyang relo, “Nasaan si Mr. Zhang? Eksaktong 18 minutes na siyang late."

"Kung wala siya dito sa loob ng 2 minutes, aalis na ako," masungit niyang dagdag at tumayo. 

Napayuko sa kanya si Mr. Li sa kahihiyan. Ibinuka niya ang kanyang bibig at hihingi sana ng tawad kay Gabriel sa kanyang pagkaantala nang sa wakas ay nagpakita si Mr. Zhang. 

Binuksan niya ang pinto na may masayang lakad habang sumisigaw, "What’s the rush, anak? Kabibisita mo lang nga sa akin, excited ka na agad umalis?" Biniro niya siya.

Mukhang masaya ang CEO ng Sapphire Co. na makita siya, pero nanginginig ang kanyang boses. Kitang-kita kung paano siya bumuntong-hininga para maibsan ang kanyang pagkabalisa. 

Si Gabriel naman ay dahan-dahang umupo sa kinauupuan niya kanina na nagpalaglag sa panga ni Mr. Li. 

Nakaugalian na ng dalawang negosyante na magkamayan o yumuko sa isa't isa bago sila makipagtransaksyon. Gayunpaman, hindi ginawa iyon ni Mr. Yang. Sa halip, sinagot niya ang kanyang tanong sa isang mapang-asar na paraan. 

“Number one. Huwag mo akong tawaging ‘anak’ dahil hindi tayo magkadugo,” guhit ni Gabriel.

Tapos mabilis niyang idinagdag, “And number two. Hindi ako nandito para bumisita. Nandito ako para bigyan ka ng mensahe." Isang masamang kislap ang makikita sa kanyang mga mata.

Hindi napigilan ni Mr. Zhang ang umubo nang malakas, kaya tumakbo si Mr. Li papunta sa water station at agad siyang inalok ng inumin. Mabilis itong ininom ni Mr. Zhang at hinawakan niya ang braso ni Mr. Li bilang suporta. 

Gayunpaman, sinubukan ni Mr. Li na humiwalay sa kanya at ngumiti dito na mukhang humihingi ng tawad. Hindi niya hahayaang madamay ang sarili na makaaway ng nakakatakot na lalaking ito! Kasing bilis ng kidlat, yumuko siya sa kanilang dalawa at pagkatapos ay tumakbo paalis. 

Napalunok si Mr. Zhang habang dahan-dahang tumalikod para tingnan ang mensahero na ipinadala sa kanya. 

Sinubukan niyang gawing magaan ang sitwasyon sa pamamagitan ng pagbibiro, “Narinig ko ang pangalang Gabriel na nangangahulugang ‘isang sugo ng Diyos’. Siguradong may good news ka sa akin." Natawa siya sa sarili niyang kalokohan. 

Gayunpaman, hindi nagpakita ng anumang reaksyon si Gabriel. 

Mabilis na napawi ang ngiti ni Mr. Zhang nang makita niya ang blangkong ekspresyon sa mukha ni Gabriel. Napakamot siya sa ulo at naghanap ng upuan sa harap ng bisita niya at pinaupo ang sarili.

"Hindi ako magpapaligoy-ligoy pa," nag-cross ang mga binti ni Gabriel habang nakasandal.  “It came to the Chairman’s notice na nakikipagsabwatan ka with the Mings when you are still affiliated with us. Alam mo namann na ang Mings ang archenemy namin in the market.” 

Lumipad ang kamay ni Mr. Zhang sa kanyang dibdib sa gulat.  “I - I can explain that,” apela niya habang inilalabas ang kanyang cell phone at hinahanap ang kanyang mga larawan.. 

“Nagkita lang kami sa isang celebration party. Ang aming mga anak na lalaki ay nasa parehong soccer league. I assure you there is no transaction going on or whatsoever,” patuloy niya sa pagpapaliwanag, saka niya tinuro ang isang picture sa phone niya. 

Sinilip ito ni Gabriel. Ito ay talagang isang imahe ng isang party na may mga magulang at mga batang lalaki. Gayunpaman, isang mapang-uyam na ngiti ang sumilay sa kanyang mga labi.“It’s a nice picture. But I don’t buy it.” Kinuha niya ang isang folder mula sa kanyang attaché case at inilapag sa mesa.

Nagmamadaling tiningnan ni Mr. Zhang kung ano iyon. At sa kanyang takot, nakita niya ang kanyang sarili na kasama ang isa sa mga Ming sa halos lahat ng mga lihim na pagpupulong na kanilang pinuntahan. Mukhang kinuha sila mula sa footage ng security ng mga lokasyon na kanilang kinaroroonan. 

Dahan-dahang tumingala si Mr. Zhang. Ang mukha ni Mr. Yang ay mukha ng isang anghel. Pero sa kabuuan, para siyang anghel na may dalawang sungay at buntot. 

 "Pakisabi sa Chairman na hindi ko na uulitin," pakiusap ni Mr. Zhang habang nakaluhod, ang ulo niya ay nasa sahig. “Ang loyalty ko ay nasa The Elysian. Ang iyong ama at ako ay naging malapit na magkaibigan sa loob ng maraming taon. Natukso lang ako kasi nag-offer sila sa akin ng napakalaking halaga,” nauutal niyang sabi dahil siya ay napahiya at nahuli siya sa akto.

Dalawang taon na ngayon ang Sapphire Co. sa The Elysian Inc. Ngunit ang relasyon nina Mr. Zhang at Chairman Yang ay ilang dekada na. Naisip ni Mr. Zhang na ang kanilang matagal na alyansa ay isasaalang-alang ng mga Yang. Pero nagkamali siya. 

“Loyalty is not gray. It is black and white. It is either you are completely loyal. Or you are not loyal at all,” sumandal si Gabriel at humarap kay Mr. Zhang, hindi nagpakita ng anumang tanda ng awa sa kanya. 

“Dapat alam mo na kapag pinadala na ng Chairman ang kanyang anak, it is the last call. Mula ngayon, wala na sa amin ang Sapphire Co."

Pinagpagan ni Gabriel ang kanyang high-end coat gamit ang kanyang mga palad at siya ay tumayo. 

Tumingin si Gabriel sa bintana at sa magandang tanawin bago siya naglakad papunta sa pintuan ng boardroom. Malinaw niyang naalala ang tagubilin ng Chairman. "Cut our ties with them, kahit anong sabihin niya." 

Sa isang iglap, itinaas ni Mr. Zhang ang kanyang manggas at pinunasan ang sapatos ni Gabriel habang nakaluhod. 

“P-please tell me what I can do to gain his favor again. Sigurado akong we have built a great connection -"

Mukhang umaasa pa rin siya na mapapahinuhod niya ang puso ng boss ng The Elysian Inc. Ngunit ang ginawa niya ay kabaligtaran ang epekto sa walang awang CEO. 

“For those years, dapat alam mo na. Hindi kinukunsinti ng Elysian ang mga rebelde,” hirit ni Gabriel na pilit na hinihila ang kanyang paa. Naglabas siya ng alcohol spray at winisikan ang kanyang sapatos. 

“I personally am disgusted with them,” diin ni Gabriel habang tinitignan si Mr. Zhang na nakaluhod pa din at parang maiiyak na. 

“Ayusin mo ang sarili mo bago ka makita ng mga tao mo in that shameful state. Goodbye, Mr. Zhang,” malamig niyang sabi, hindi naapektuhan ng emosyonal na aksyon sa kanyang harapan.

Kinuha ni Gabriel ang kanyang case at aalis na sana, nang makita niya ang folder patungkol sa mga eskandalo ng kanilang Chief. "Siya nga pala, may advice ako sa iyo. Isa sa mga chiefs nyo dito ay isang rotten apple. Fire him before he destroys your whole barrel.”

Pagkatapos ay umalis na siya at hindi man lang pinakinggan ang huling salita ni Mr. Zhang.