Chapter 5: Mr. Yang

Sa kasalukuyan...

"Evina Chen," napaawang ang labi ni Gabriel habang binabaligtad ang card sa kamay niya. Nilagay niya ito sa inner pocket ng coat niya habang naglalakad siya patungo sa Sapphire Co. Building.

Tanghali noon, at inaasahan niyang magkakaroon ng libreng oras ang CEO ng Sapphire Co. sa kanyang sorpresang pagbisita. 

Ngunit siya ang natigilan nang makasalubong ang isang masungit na dalaga na tila nasa bad side ng kanyang mga nakatataas. 

Nagagalit siya sa kanya sa pagsira ng kanyang kotse at pagtatangkang tuhurin siya. Pero parang may kung ano sa kanya na gusto niyang makita ulit siya.

"O huwag na lang," sabi niya sa kanyang sarili habang iniunat niya ang kanyang malalapad na balikat. 

Pumasok siya sa main door ng building. 

****

Nasa reception couch ang ilang empleyado nang mapansin siya ng isa sa kanila. Agad siyang tumango dito.

"Si Mr. Yang!" tinampal nito ang sariling noo. "Yari tayo. Mukhang magkaka problema tayo," bulong niya sa kasamahan.

“Paano siya magiging cause ng problema?” napahagikgik ang kanyang katrabaho, "Mukha nga siyang anghel na bumaba mula sa langit para pagpalain tayo." Tinakpan niya ang namumula niyang mukha habang nakatitig sa tinutukoy niya. 

Hindi karaniwan para sa kanila na makita siya sa lugar na iyon dahil hindi siya empleyado o boss sa Sapphire Co. 

Gayunpaman, nakilala siya ng ilang mga tauhan. Si Gabriel Yang ay kilala sa mundo ng negosyo bilang "pinakabata at pinaka malupit na CEO sa industriya ng IT”.

Mabilis silang tumayo at gumawa ng linya para batiin siya.

"Good day, Mr. Yang," agad na pumunta sa likuran niya ang ibang staff na nakakaalam ng posisyon niya. Sinubukan nilang makasabay siya sa paglalakad niya papunta sa elevator. 

"Karangalan namin na bisitahin ng CEO ng The Elysian Inc., ang aming parent company at ang numero unong korporasyon sa aming bansa," masiglang bati ni Mr. Li. "Ano ang maipaglilingkod namin sa iyo, sir?" magalang na tanong niya habang naglalakad sa likuran niya.

Ito ang pangalawang pagkakataon na nakita ni Mr. Li si Gabriel Yang. Ang una ay sa paglulunsad ng Sapphire Co. bilang daughter company ng The Elysian Inc. dalawang taon na ang nakararaan.

Sa unang impresyon niya sa kanya, alam niyang kailangang na mapunta ang Sapphire Co. sa good side nito. Dapat ay wala siyang makitang kapintasan sa kanilang kumpanya.

Gayunpaman, tila ang kanilang bisita ay walang planong makita ang sinuman sa kanila. Nagpatuloy siya sa paglalakad nang hindi man lang siya nilingon.  

“I am here on behalf of the Chairman. Nandito ba si Mr. Zhang?" sagot niya with an aloof expression, habang tinitingnan ang ID ni Mr. Li.

"Of course, sir! Ikinalulugod kong i-assist kayo hanggang sa office nya,” agad namang yumuko si Mr.Li sa kanya. "This way, sir." 

In a matter of minutes, nasa loob na sila ng Board Room ng Sapphire Co. Building. 

"Gusto mo bang uminom ng kape o tsaa habang naghihintay, sir?" Alok agad sa kanya ni Mr. Li pagkaupo niya. 

Sa totoo lang, kailangan pa ni Mr. Li tumawag sa kanyang kliyente. Ngunit mas mahalaga si Mr. Yang kaysa dito. Si Mr. Yang ay hindi lang ordinaryong bisita para sa kanila. Siya ay VVIP.

"No," ang prangka na sabi ni Mr. Yang habang tinitingnan ang kanyang relo. Pagkatapos ay inilibot niya ang tingin sa buong silid. 

Ang mga dingding ay pinalamutian ng mga larawan ng mga pinuno ng kumpanya, mga logo, mga parangal, mga plake, at iba pang mga palatandaan ng pagmamalaki at kasaganaan ng kumpanya. 

Ang sinumang bibisita dito ay maniniwala na ito ay kumpanya na worth it ng investments. 

Napangiti si Mr. Li habang pinagmamasdan ang pag oobserba ni Mr. Yang, proud sa mga natamo ng Sapphire Co.  nitong mga nakaraang taon. Inaasahan niyang pupurihin sila ni Mr. Yang. 

Pero laking gulat niya ng marinig ang tanong niya.

“Nabalitaan ko na may empleyadong natanggal ngayon. Maaari ko bang malaman ang dahilan sa likod nito?" diretsong tanong niya habang nakatagilid ang katawan sa direksyon niya.

Nanlaki ang mata ni Mr. Li sa takot habang iniisip kung paano niya nalaman iyon. Sa totoo lang, gulantang pa rin siya sa nangyari kay Ms. Chen.

Alam niyang darating ang araw na iyon. Ngunit hindi sa araw na ito na bibisitahin sila ni Mr. Yang.

Maririnig ang ugong ng aircon habang nag-iisip ng sasabihin si Mr. Li. 

“Misunderstanding lang po, sir. It’s not a big deal,” nauutal niyang sabi habang nakatingin sa pinto, umaasang papasok si Mr. Zhang anumang oras. 

“Termination is a big deal. Ano ang problema?" tanong ng CEO ng The Elysian Inc. habang siya ay nakatitig sa kanya, hindi man lang  gumagalaw kahit isang pulgada. Magkadaupang palad ang mga kamay niya habang hinihintay ang sagot niya.

Biglang pumunta si Mr. Li sa kabilang bahagi ng silid upang kumuha ng isang basong tubig. Sa kanyang pagkalito, hindi na siya nag-abalang alukin ito. 

Wala siyang ideya kung gaano karaming impormasyon ang alam ni Mr. Yang. Kaya nagpasya siyang sagutin siya ng totoo. Gayunpman, hindi niya ibinigay ang lahat.

“O-of course, Mr. Yang. Inakusahan ng aming empleyado ang isa sa aming mga nakatataas. Pero hindi mo na po ito dapat alalahanin, sir. It’s just a misunderstanding,” paniniguro nito sa kanya habang tumatango nang may malaking ngiti sa labi.

Gayunpaman, tila hindi ito palalampasin ng pinuno. "Well, totoo ba ang mga sinabi niya?" tanong sa kanya ng CEO na nakakunot ang kanyang mga kilay.

Napakamot ng ulo si Mr. Li bilang tugon. Kung magsisinungaling ako, at mag-iimbestiga siya tungkol dito, tiyak na mawawalan ako ng trabaho.

Tumikhim siya bago sumagot, "Mayroong folder na ipinadala si Ms. Chen sa akin -"

"Let me see it," pinutol siya ng superior na nasa harapan niya habang iniikot niya ang kanyang upuan paharap sa mesa.

“S-sir?” lumunok si Mr. Li. Hindi niya pwedeng makita ang mga file na iyon!

"Naghihintay ako," naiinip na saad ni Mr. Yang. 

Mukhang walang choice si Mr. Li kung hindi umasang darating kaagad si Mr. Zhang. 

“Right away, sir!” nagpasya si Mr. Li na sumaludo bago tumakbo palayo upang kunin ang mga files.