Chapter 4: You're Fired

Natigil ang lahat. Sa sobrang tahimik ay maririnig ang huni ng mga ibon sa labas ng bintana habang lumilipad sila sa kalangitan.

Napanganga si Evina sa gulat sa sinabi ni Cynthia. At bigla siyang tumagilid para itago ito. “No wonder hindi makapagsalita si Cynthia,” naisip niya.

Sumikip ang sikmura niya nang maisip ang maaaring ginawa ng Chief sa kawawang babaeng ito. Naikuyom niya ang kanyang kamao habang pinipigilan ang sarili na hindi harapin ang Chief sa oras ding iyon.

“Akala ko noong una, sobrang friendly lang niya. Ngunit pagkatapos ay sinimulan niya akong hawakan. Tumanggi ako,” nagpatuloy si Cynthia sa pagsasalaysay ng kanyang kuwento, "pero sinabi niya sa akin na matatanggal ako kapag hindi ako bumigay." 

Namimilipit ang kanyang braso at nangingiwi habang ibinabahagi ang kanyang karanasan kay Evina. 

Nag-aapoy sa galit ang bawat himaymay ng kalamnan ni Evina, “I’m sorry to say this, Cynthia. Pero sa tingin ko dapat pinili mo nalang na tanggalin sa trabaho.”

Iyon ang gagawin niya kung siya ang nasa ganoong sitwasyon. Walang sinuman ang makakahawak sa kanyang katawan nang walang pahintulot niya. 

“Oo. Yun nga sana ang ginawa ko. My anxiety over my mom's critical condition got the best of me," nanginginig ang boses ni Cynthia habang binabanggit ang kanyang ina.

Nagpakawala ng mahabang buntong-hininga si Evina habang hinihimas ang likod ni Cynthia. 

Alam niya ang pakiramdam ng pagkabalisa dahil sa mahinang kalusugan ng mga magulang. Magagawa ng isang tao ang lahat para maibsan sila sa paghihirap.

Nang makakita ng water cooler na may mga plastic cup sa malapit, agad na kumuha si Evina at inalok ito kay Cynthia. 

Tila gumaan ang loob ni Cynthia at tinapos niya ang natitira sa kanyang kwento kay Chief.

"May cancer ang nanay ko, at kailangan niya ng chemotherapy bawat linggo," sabi niya habang pumapatak na ngayon ang mga luha sa kanyang namumulang mukha. "Tama siya. Kung huminto ako sa aking trabaho, hindi ko na siya masusuportahan." 

Nanlamig ang kamay ni Evina sa paghagod sa likod ni Cynthia. Nakakunot ang noo niya at  tinignan niya siya ng mabuti.

“Teka. Ibig sabihin alam ni Chief ang tungkol sa nanay mo? At ginagamit niya ito para i-blackmail ka para makipagtalik sa kanya?" Nilinaw ni Evina sa kanya, umaasang mali siya. 

Sa kasamaang palad, tumango si Cynthia at sumagot, "Nahihiya ako sa sarili ko." Ibinaon niya ang kanyang mukha sa kanyang mga palad habang siya ay hindi mapigilan sa pag iyak.

Humikbi siya ng malakas at nasagad si Evina. Bigla siyang umalis at bumaba.

“Evina! Wait!” Sinundan siya ni Cynthia, ngunit hindi niya ito naabutan. Nagmartsa na si Evina papunta sa opisina ng Chief. 

Alam kung ano ang dapat niyang gawin, dumaan siya sa kanyang mesa at kinuha ang folder na binabasa niya kanina.

Napadaan siya sa ilang staff sa kahabaan ng hallway na nakita ang kanyang nagpupuyos na kalooban.

Ang mga may reklamo laban sa Chief ay tumitingin sa kanya nang may pagsang-ayon. 

Gayunpaman, ang mga nagpaparaya sa ugali ng Chief para lang tumaas ang posisyon, ay nagbulung-bulungan laban sa kanya.

"Nasa labas si Chief. Makakabalik ka pagkatapos ng tanghalian,” tugon ng sekretarya nang makita niya si Evina na dire-diretsong tumungo sa silid ng Chief.

Gayunpaman, tila hindi siya narinig ni Evina dahil hindi man lang siya huminto o binigyan ng isang mabilis na sulyap. 

Gaya ng inaasahan niya, nandoon nga si Chief at aghahanda na talaga siyang lumabas dahil break time na ng mga empleyado ng Sapphire Company.

*******

Nagulat si Chief nang makita siya. Pero hindi siya nairita dahil gusto niya ang physical attributes ni Evina.

“I’m sorry, sir. Sinabi ko na sa kanya -” paumanhin sa kanya ng kanyang sekretarya. 

Pero pinutol lang niya. “Ayos lang. Pwede ka nang mag-break ngayon."

“Hell-” Gustong batiin ng Chief si Evina ng maayos. Gayunpaman, ang kanyang masayang mood ay nabago nang humakbang si Evina  papunta sa kanyang malambot na sopa at umupo nang kumportable. 

Pakiramdam ata niya ay magka level kami.

Karaniwan, ang kanyang mga empleyado ay yumuyuko sa kanya at naghihintay ng kanyang pahiwatig bago nila maiangat ang kanilang mga ulo. 

Gayon pa man, heto siya at nakangiti sa kanya habang ang kanyang mga braso ay naka-cross sa kanyang dibdib. 

Nalaglag ang panga ni Chief sa kanyang kapangahasan. Pero napigilan niya ang sarili habang naglalakad papunta sa kinaroroonan niya. Tapos umupo siya sa upuan na nasa tapat niya. 

Habang ginagawa niya iyon, bumagsak ang tingin niya sa mahahabang makinis nitong binti. Kapansin-pansin sila dahil naka-short na maiksi si Evina na office uniform nila for that day. 

"Ano ang maipaglilingkod ko sa iyo, Miss Chen?" Tanong niya, na ngayon ay may ngiti sa labi. Ang kanyang mga mata ay ini-scan ang kanyang katawan habang ginagawa niya iyon. 

Gayunpaman, hindi natakot si Evina sa kanyang malaswang titig. “Resign,” tumaas ang isang kilay niya habang nakataas ang kanyang baba. 

Nagsalubong ang mga kilay ng Chief sa matapang na tinuran ni Evina. “A-anong sinabi mo?” tanong niya na ngayon ay lukot na ang mukha niya sa pagkalito sa mga kilos niya.

Itinaas ni Evina ang magkabilang balingkinitang braso nito at inilagay sa headrest ng sofa. "Narinig mo ko. Mag-resign ka habang mabait pa ako sa iyo." sagot niya na parang boss siya, at subordinate siya nito. 

 Nanlaki ang mga mata ng Chief sa pagtataka kay Evina, "Nababaliw ka na ba?" Agad siyang tumayo at naglakad pabalik-balik. Pagkatapos ay huminto ito at humarap sa kanya, “Alam kong may pagka-rebelde ka. Pero mas grabe ka pa pala!"

Ibinagsak ni Evina ang folder ng reklamo sa ibabaw ng mesa na parang bomba. Agad itong kinuha ng Chief at ini-scan ang bawat pahina. 

Namutla ang kanyang mukha habang binabasa ang lahat ng mga akusasyon laban sa kanya. Tiningnan niya si Evina saka ang mga papel sa kamay niya, at pagkatapos ay bumalik kay Evina. 

Tumatango lang siya na para bang sinasabi niya sa kanya na totoo ang lahat.

Nanginginig ang  kamay ng Chief at nahulog ang folder sa sahig. "Gawa-gawa mo lang to!" Siya ay umungal habang ang kanyang baba ay nanginginig sa galit, "How dare you do this? Greenhorn ka lang sa kumpanyang ito!" 

Tumayo si Evina at nag-cross arms, “Ewan ko lang kung yan din ang sasabihin ng mga pulis kapag inimbistigahan nila ang kasong to,” isang nakakalokong ngiti ang nakaukit sa mukha ni Evina.

Nahilo bigla ang Chief nang marinig ang pagkakasangkot ng mga pulis. Bumagsak ang mga tuhod niya at napaupo siya sa upuan. 

Pero nakatayo lang si Evina na may malamig na ekspresyon sa mukha. 

Nang tila nanumbalik ang lakas ng Chief, sumigaw siya ng buong lakas, “Lumabas ka! You are fired!" 

Hindi naman natakot si Evina. Tumalikod lang siya sa kanya at binitawan ang huling salita niya. 

"And you’re going down with me," itinaas ni Evina ang kanyang gitnang daliri, "arsehole." 

Pagkatapos ay sinara niya ang pinto at umalis.