Chapter 32

Bivianne

“Meeting adjourned,” sambit ko matapos ang ilang oras naming meeting. Inayos ko ang mga gamit ko bago lumabas ng meeting room bago dumeretso sa loob ng opisina ko.

Nakasunod naman sa likod ko si Jane, ang bago kong sekretarya, habang iniisa-isa ang mga susunod ko pang schedule para sa araw na ‘to. Nang makaupo ako sa harap ng lamesa ko ay dumeretso ako sa pag-review ng mga bagong dokumento na kararating lang kanina.

Ang dami ko nang natapos kahapon pero para bang dumoble na naman sila ngayong araw. Ito pa at may isa pa kaming meeting mamayang alas tres kasama ang mga shareholder na tiyak ilang oras din ang kakainin sa oras ko.

Nang makalabas si Jane sa opisina ko ay nagpatuloy ako sa ginagawa. Tumunog ang cellphone ko na nakapatong sa lamesa. At nang dumungaw ako ay nakita ko ang pangalan ni Oxem doon na agad nakapagpangiti sa ‘kin. Ni-loud speaker ko ‘yon.

“Hi, beautiful,” bungad na pagbati ni Oxem. Bahagya kong naririnig ang boses nina Khaianne at ng teammates niya sa likod