Book 7: Finale

"Puwede bang makisabay na kami ni Raiko sa inyong kasal?"

Biglang natahimik ang paligid nang marinig ang tanong ni Dark. Parang may anghel na dumaan sa paligid at nagulat sa sinabi ni Dark.

"Inalok mo na ba ng kasal ang best friend ko?" pagtataray ni Mae na siyang unang bumasag sa katahimikan.

Nakagat ni Raiko ang ibabang labi at nahihiyang salubongin ang tingin nila Micko at Cloud. Halos mabingi rin siya sa lakas ng tibok ng kaniyang puso. Sa pagkakataong ito ay kumakabog ang puso niya dahil sa saya at hindi dahil sa sakit sa puso.

"May kasunduan na kami noon pa." Aroganteng sagot ni Dark kay Mae.

Bumilog ang labi ni Mae kasabay ng pagtaas ng mga kilay. Alam naman niya ang tungkol doon. Ang akala lang niya ay nakalimot si Dark o hindi seryuso sa kaniyang kaibigan. Noon ay nangako si Dark na kapag gumaling na ang kaibigan ay pakakasalan niya ito at pumayag naman si Raiko. Isa pa ay pangarap nilang magkaibigan na sabay silang haharap sa altar.

"So, triple weeding na ba ang magaganap?"