Book 7: Chapter 43-Pagtanggap

"HOY, bumangon ka riyan!"

"Argh!" Daing ni Tony habang sapo ang nasaktang tagiliran kung saan tumama ang sipa ng lalaking siga sa selda kung saan siya nakakulong.

"Bumangon ka riyan at hilutin ang likod ko!" Bulyaw muli ng lalaking kinikilalang pinuno sa seldang iyon kay Tony.

Nagkatawanan ang lahat nang manginig ang kamay ni Tony habang sinusunod ang gusto ng pinuno nila. Isang buwan na rin mula nang mahatulan siya ng habambuhay na pagkabilango. Sa unang araw pa lang ay nakaranas na siya ng kalupitan ng mga kasama sa selda. Noong una ay lumaban siya at umaastang mataas pa ring tao. Ngunit sa halip na matakot sa kaniya ang mga ito ay lalong nagalit at napagtulongan siya. Walang takot mamatay at makapatay ang mga kasama niya dahil tulad niya ang hatol sa mga ito.

"Tony, dumating na ang rasyon mo!" sigaw ng bantay ng selda at bitbit nito ang isang paper bag na naglalaman ng pagkain.

"Salamat, warden!" Nakangisi na kinuha iyon ng isang lalaki.

"Akin iyan!" Tangkang aagawin ni Tony ang