Book 3: Chapter 2-Patibong

"MUKHANG magaling itong napili mo, Boyet," ani Joseph habang sinusundan ng tingin sa screen monitor ang bawat galaw ni James.

"Nakilala ko siya, boss, noong may humahabol sa akin na parak. Tinulongan niya ako at magaling dumiskarte upang maligaw ang humahabol sa amin." Liyad ang dibdib na kinuwento muli ni Boyet ang tumgkol sa kakayahan ni James. Natuwa siya dahil sa papuri ng boss nila.

"Huwag tayo pakasigurado, marami na ngayon ang nagkalat na kalaban upang mabutasan ang ating grupo." Sabat ni Leo na kasosyo ni Joseph sa illegal na gawain.

"Alam ko ang bagay na iyan at hindi mo na kailangang paulit-ulit na ipaalala sa akin! Kailangan natin nang dagdag na tao dahil nailibing na ang ilan sa magagaling nating tauhan." Biglang uminit ang ulo ni Joseph pagkaalala sa limang tauhan na pinagkakatiwalaan. Nahuli ang mga ito ng mga pulis at upang hindi sila maikanta ay pinapatay ni Leo ang mga ito nang walang pahintulot mula sa kanya.

"Pumasa na ang tatlong nahanap ng aking tauhan, tama na si