Book 3: Chapter 8-Sabwatan

"Pera na lang ba ang mahalaga sa iyo ngayon?" dismiyadong tanong ni James sa babae. Kanina pa siya lihim na nakikinig sa pag-uusap sa loob.

"Para ka namang kabote!" Hawak ang dibdib na turan ni Jennyrose, nagulat siya sa biglang pagsalita ni James dahil hindi niya alam na may tao banda roon.

"Binayaran ka ba para makapasok dito?" tanong muli ni James dito.

"Hoy, Mamang Pogi, ang dami mo namang tanong!" Nakasimangot niyang sita sa lalaki. Mabuti na lang at walang ibang tao sa kinatayuan niya.

"My name is James." Pakilala niya sa dalaga at hindi na pinagtuunan ng pansin ang unang tawag nito sa kaniya.

"Ako si Wheng—"

"I know," putol ni James sa iba pang sasabihin ng dalaga.

"Ang sungit naman," naibulong ni Jennyrose sa sarili.

"Narinig ko na tinanggap mo ang alok niyang maging mistress niya kapalit ng malaking halaga."

"Eh ano naman sa iyo ngayon?" Nagtaray na rin si Jennyrose dahil ang sungit ng mukha ng lalaki ngayon at napakaseryoso.

"Tatapatan ko ang bawat halaga na ibabayad niya sa