Book 3: Chapter 13-Trust me

"SALAMAT at hindi mo ako iniwan doon!" pasasalamat ni Jennyrose kay James habang kumakain sila sa maliit na karindirya.

Siya ang may gusto na doon kumain dahil sanay siya sa mumurahing kainam lamang. Hindi siya nakakain ng maayos kanina bago sila umalis dahil takot siyang maiwanan ni James.

"Kapag iniwan kita doon, tiyak na lalapain ka ng hayok sa laman ng lalaking iyon." Sagot nito habang nakayuko dahil kumakain.

Pinagkakatitigan ni Jennyrose ang binata, kahit nakasuot ito ng luma at kupasing kasuotan ay mukha pa rin itong guwapo at may kaya sa buhay. Nahiya siya magtanong kung ano ang tunay na pagkatao nito. O baka pati pangalan nito ay alyas lang din para sa misyong pinasok katulad niya.

"Huwag ako ang kainin mo sa iyong isipan," ani James habang patuloy na kumakain. Ramdam niya ang mga titig ng dalaga sa kanya at naaapiktuhan siya sa ginagawa nito.

"Asa ka! Ang takaw mong kumain." Pagkaila ni Sasha sa iniisip ng binata. Nakalimutan niya na malakas ang pandama ng lalaki kaya naram