Book 3: Chapter 17-Selos

"HUWAG mo na ipangalandakan na pogi kami, Wheng." Mayabang na turan ni Ashton habang nakaakbay sa dalaga. Masaya siyang makita muli ito at ligtas.

"Pwede namang usap lang, bakit may paakbay pa?" hindi napigilan ni James ang sarili na masambit ang nasa isip.

"Naku selos ka naman agad, Bro!" Tumatawa na tukso ni Jeydon kay James. Lalong nagkatunog ang kaniyang tawa nang samaan siya ng tingin nito.

Si Ashton ay parang walang narinig dahil lalong hinigpitan ang akbay sa balikat ng dalaga at isinama sa loob upang kumain.

"Ako ang kasama niyan at hindi ikaw! Inalis ni James ang braso ni Ashton na nakaakbay sa dalaga.

"Balato mo muna siya sa amin ngayon, bro dahil ngayon lang may nagsabi na pogi kami." Nang-aasar ang ngiti ni Ashton kay James at muling ibinalik ang braso sa balikat ng dalaga.

"Wheng, halika!" nakiagaw na rin si Jeydon sa atensyon ng dalaga. Binaklas niya ang braso ni Ashton na nakaakbay dito at ang kaniya ang ipinalit doon.

Napangiti si Dexter dahil sa nakikitang selos ngay