Book 3: Chapter 22-Ang balita

"HINDI ka pa ba sasabay sa amin, Anak?" tanong ni Lourdes kay James na nanatiling nakatayo sa harap ng puntod ng bunso nitong kapatid.

Naging maayos na ang lahat sa pagitan nilang mag-anak. Nagkapatawaran at nailabas ang dapat ilabas na sama ng loob lalo na si James. Masaya na sila ngayon dahil bumalik na sa kanilang tahanan ang binata at hindi na ito barumbadong anak.

"Susunod na lang ako, Mom." Nakangiting nilingon niya ang ina. Tuluyan nang nawala ang bigat sa dibddib at kunsensya na dinadala sa mahabang panahon dahil nabigyan na ng hustisya ang pagkamatay ng kapatid.

"Pwede ba na ako naman ang makiangkas sa motor mo ngayon?" May pag-aalinlangan na tanong ni Jake sa kapatid.

"Sigurado ka?" Nakakaloko ang ngiti na balik tanong ni James sa kapatid. Alam niyang takot ito sa motor lalo na kung siya ang driver dahil kaskasero umano siya.

"Subukan ko kung ano ang pakiramdam ni Bunso kapag nakaangkas sa iyo." Nakangiting sagot nito kay James.

Inakbayan ni James ang kapatid at inakay papu