Book 3: Chapter 18-Kadugo

NAKANGISING sinuyod ng tingin ni Joseph ang katawan ng dalaga. Kanina pa siya natatakam na mahawakan ito. Hanggang ngayon ay hindi niya matandaan kung paano niya naangkin ito noong lulong siya sa ipinagbabawal na gamot. At gusto niyang galawin ito ngayong nasa matino na siyang pag-iisip.

"Huwag kang lalapit!" Mabilis na nagtago sa likod ng sofa ang dalaga na malayo kay Joseph.

Lalong ginanahan si Joseph na makipaglaro sa dalaga. Mabilis siyang umakyat sa sofa at tinalon ang dalaga. Ngunit ang akala niyang mahinang babae ay malakas pala. Mabilis itong nakawala mula sa yakap niya at nasiko pa siya sa sikmuta.

"Gusto mo pa talaga akong pahirapan, ha?" muli siyang ngumisi at pinasadahan ng dila ang sariling labi.

Mukhang demonyo ang tingin ni Jennyrose sa lalaki ngayon. Mukha itong asong ulol na gusto siyang malawayan. Nang muli itong sumugod ay maliksi siyang nakaiwas muli. Abot hanggang langit ang dasal niya na sana ay dumating na sina James. Hindi niya alam kung hanggang saan niya kay