Book 3: Chapter 12-Confirm

UMIYAK si Jennyrose at totoong natakot siya sa banta ni Joseph. Gusto niya tuloy sisihin ngayon si James. Kung iniwan na sana siya doon sa pinangyarihan ay nakasama siya sa na rescue sana. Aanhin niya ang malaking pera ngayon kung kapalit naman ay ang kaniyang pagkatao?

"Huwag mo nang dagdagan ang sakit ng ulo ko ngayon kaya tumigil ka sa pag-iyak!" bulyaw ni Joseph sa dalaga.

"Huwag siya ang intindihin mo ngayon, boss. Kailangan na mayroon tayong balita sa labas tungkol kina Leo." Agaw ni James sa atensyon ng lalaki.

"Makakalabas ka ba nang hindi makilala?" tanong ni Joseph.

"Makakalabas dahil hindi naman nila nakita ang mukha ko kanina at may takip akong panyo sa mukha. Pero kailangan kong makakasiguro kaya isasama ko ang babaeng iyan upang may pananggalang ako kapag natyempuhan ng mga pulis."

Sandaling napaisip si Joseph. Kailangan na masigurong mapatahimik si Leo at iba pang tauhan na nahuli ng buhay. Ngayon siya nagsisi kung bakit iniwan pa niyang buhay si Leo. Kailangan niya r