Book 3: Chapter 5-Pagtagpo ng dalawang landas

"PAKAWALAN ninyo ako, sino kayo at ano ang kailangan ninyo sa akin? Parang awa niyo na, tanggalin niyo ang takip sa aking mata!" Nag-iiyak at pilit na kumakawala si Jeenyrose sa humahawak sa kanya nang maisakay siya sa loob ng kotse.

"Busalan mo nga ang bibig niyan, ang ingay! Natakot na rin tuloy ang dalawa pang bihag." Utos ng driver sa alalay. Napangisi siya nang makitang nanginig bigla sa takot ang dalawang babae na bihag ni James. Kanina lang ay masaya ang mga ito dahil walang sapilitan na nangyari na isinakay ang mga ito sa sasakyan.

"Uhmmmp, uhhhhmp!" Pilit na iniiwas ang ulo sa lalaki nang takpan nito ang kanyang bibig. Kahit alam ni Jennyrose sa una palang na delikado ang trabahong kanyang pinasok, nakaramdam pa rin siya ng takot dahil wala siyang makita at hindi na rin makapagsalita. Wala siyang ibang kinatatakutan maliban sa kadiliman.

"Wala pa bang nahanap ang dalawa?" tanong ng driver sa kasama.

"Kaka-text lang, mayroon ng bihag silang dalawa."

Napamura si James sa kaniya