CHAPTER 65.

ABIGAIL

"Ah, so, magaling na siya ngayon? At ngayon may pabulaklak ng nalalaman ang malandi mong ex," inis na wika ni Lyca.

Hindi naman umimik si Abi sa sinabi ng kaibigan niya.

"Ang kapal ng mukha niya ha. Bakit hindi na lang sa malandi niyang kabit ibinigay 'yang bulaklak na 'yan! Sorry, besh, pero naiinis pa rin ako sa tarantandong Seb na yon," gigil na wika ni Lyca.

Naiintindihan niya ang nararamdaman ni Lyca kung nagagalit at naiinis pa rin ito kay Seb. Hindi niya ito masisisi dahil ito ang naging takbuhan niya noong mga panahong wala siyang mapuntahan dahil sa ginawa sa kanya ni Seb.

"So, anong plano mo? Ipapakilala mo ba sa kanya ang mga bata?" kapagkuway tanong nito habang nakahalukipkip ang mga kamay.

Bumuntong hininga siya at umupo sa office chair niya.

"I don't know, besh. Sa ngayon hindi ko pa alam. Nagtatalo na nga ang tatlong bata, dahil si Sofie gusto nang makita ang daddy niya. Pero ang dalawang boys, ayaw. Hindi raw nila kailangan ng daddy," aniya na m