Chapter 10: Her Past III

Kumuha ako ng tubig mula sa dispenser na nasa loob ng kwarto ni Kallen at binalikan siya sa kama. Iniangat ko ng bahagya ang ulo niya at marahan siyang ginising.

Tiningnan na naman niya ako ng masama noong mapantanto niya ang kanyang posisyon.

"W---,"

"Kailangan mong uminom ng gamot," mabilis kong sabi bago pa siya makapagsalita ng tuluyan.

Tinitigan niya nang masama ang puting gamot na nasa kamay ko.

Pagkatapos ay marahan niyang ibinuka ang kanyang bibig. Ipinasok ko sa loob ng bibig niya ang tableta. Nang itikom ni Kallen ang kanyang bibig ay bahagyang nasagi ng kanyang labi ang dulo ng daliri ko.

Hindi ko maipaliwanag ang tila kuryenteng dumaloy sa daliri ko mula sa kanyang mainit na labi. Siguro dahil lang iyon sa lagnat niya kaya nagulat ako 'no?

Kaagad kong itinapat sa labi niya ang babasaging baso at marahan naman siyang uminom ng tubig.

"Gusto mo bang kumain? Gusto mong subuan kita?" Tanong ko sa seryosong tinig.

"I'll sleep more," sagot nito sa nanghihinang tinig per