Chapter 86

Knight's POV

Pinagmasdan ko ang mala-anghel na mukha ni Anabelle habang mahimbing itong natutulog. Ang kanyang mukha ay payapa, parang wala man lang dalang pasanin. Pero alam ko na hindi totoo iyon. Ang mga mata ni Anabelle ay nagkukuwento ng isang malalim na sakit, isang sakit na nagmumula sa isang nakalimutan na alaala.

Ang bilis kong kumalma sa tuwing nakikita ko lang siya lalo na ngayon at patung-patong ang mga problemang kinakaharap ko. Wala akong ideya, na isinangla pala ni Mommy ang kompanyang iniwan ng Lolo ko sa amin sa mga magulang ni Zeus sampung taon na ang nakakaraan. Akala ko maayos lang ang lahat kasi ayaw niya akong tumulong sa pagpapatakbo ng kompanya dahil wala raw akong alam.

Sa edad na bente anyos, itinayo ko ang sariling negosyo ko upang patunayan kay Mommy, na kaya kong i-handle ang kompanya ni Lolo. Ginamit ko ang perang iniwan ni Lolo sa akin at ang perang naipon ko sa pagmomodelo. At sa tulong ng mga kaibigan ko, naipatayo ko ang pangarap kong negosyo - ang