Chapter 87

Simula nang nabasa at narinig ni Anabelle ang iniwang liham ni Raheel para sa kaniya biglang lumamig ang pakikitungo niya sa akin. Palagi niya rin akong iniiwasan sa tuwing susubokan ko siyang kausapin. Parang pinipiga ang puso ko sa tuwing makikita kong sinusuot niya ang smartwatch ng kaibigan ko.

Nang nagising siya pagkatapos ng operasyon, binigyan ko siya ng kwentas na nabili ko sa auction nang pumunta akong Paris. Sinusuot niya ito araw-araw, pero hindi ko na ulit ito nakitang ginagamit niya.

"Hindi ako tutuloy sa Thailand, Brent," sabi ko sa aking manager sa pagmomodelo. Humugot ako ng malalim na paghinga bago nagpatuloy sa pagsasalita. "Hihinto na ako sa pagmomodelo. Kailangan kong mag-focus sa kompanya ni Lolo at sa kompanya ko."

"Ano? Ngayon ka pa talaga susuko kung kailan in-demand ka na sa buong mundo?" hindi makapaniwalang tanong ni Brent.

Siya ang dahilan kaya nakapag-ipon ako ng malaking pera sa panahong naghihirap pa ako sa buhay. Sa murang edad kasi naging independe