Chapter 41

Sumama ako pabalik kay Chairman Marcelo sa mansiyon. Wala akong nagawa kundi sumama kasi malaki ang inutang kong pera sa kaniya. Kung magmamatigas ako, magbabayad ako ng pera sa kaniya. Saan naman ako kukuha ng perang pangbayad sa kaniya?

"Bakit hindi ka nagsumbong sa akin, hija, na mayroon pa lang kakaibang nangyayari sa mansiyon habang wala ako?" tanong ni Chairman Marcelo nang malapit na kaming makarating sa bahay nila. "Tinawagan kita ng paulit-ulit, pero hindi mo sinasagot ang mga tawag ko."

Hindi ako nagsalita. Nanunuyo pa rin ang lalamunan ko. Pakiramdam ko kapag magsasalita ako at sabihin sa kaniya ang totoo magiging mali lahat ng sasabihin ko. Apo niya kasi 'yon, malabong paniwalaan niya ako kesa kay Raheel.

Napabuga ako ng hangin nang bumaba na kami sa sasakyan. Agad kaming sinalubong ng mga katulong sa mansiyon. Halos madapa sila sa pagtakbo nang nakita nila ako.

Hindi ko mapigilang mapangiti nang yakapin ako ng mahigpit ng mga katulong. Napansin kong nagulat si Chairma