Chapter 48

Napaigtad ako nang bigla akong yakapin ni Zeus habang inaalala si Tatay noong ito ay nabubuhay pa. Naramdamanan ko ang dahan-dahang paghaplos niya sa buhok ko, pababa sa aking likod.

"Huwag mong sisisihin ang sarili mo sa nangyari, Anabelle," bulong niya.

Kung nabubuhay pa si Tatay, susumbatan at itatakwil ba ako ni Nanay? Magbabago kaya ang pagtrato niya sa akin? Napapikit na lang ako sa raming tanong na gumugulo sa isipan ko.

Kumalas ako sa yakap ni Zeus nang napansin ko ang unti-unting pagbagsak ng malakas na ulan. Tumakbo kami pabalik sa limo niya.

"Wala ka na bang ibang pupuntahan? Ihahatid na lang kita sa inyo," saad niya at binuhay ang makina ng sasakyan.

Tumango ako agad bilang pagsagot. Ipinilig ko ang ulo ko sa bintana habang pinagmamasdan ang malakas na ulan sa labas. Tahimik naming tinahak ang daan pauwi.

"Matutulog muna ako. Gisingin mo na lang ako kapag nasa labas na tayo ng bahay," saad ko at ipinikit ang mga mata ko.

Agad akong napadilat nang naramdaman ko ang m