Chapter 47

Sa sumunod na araw, halos ayaw ko ng bumangon. Palaging masakit ang buong katawan ko. Gusto kong matulog buong araw. Natatakot din akong makita nila na biglang naduduwal kapag may naamoy akong kakaiba. Ayokong malaman nila na buntis ako. Kapag may gusto akong kainin, ako na mismo ang lalabas.

Napahawak ako sa tiyan ko habang hinihintay ang order kong spaghetti rito sa isang fast-food restaurant. Malapit lang naman ito sa mansiyon. Hindi ako mahilig kumain ng spaghetti, pero bigla akong nag-crave.

Makalipas ang ilang minuto sa paghihintay, hinatid na nila ang limang spaghetti na in-order ko. Napa-angat ako ng tingin sa waitress nang napansin ko ang pagtitig niya sa akin.

"May ibang kasama po ba kayo, Ma'am? May malaking table po roon sa dulo na kasya kayong lahat -"

"Ako lang po mag-isa, Miss."

Gumuhit ang pagkagulat sa mukha niya. Bumaba ang paningin niya sa limang orders ng spaghetti.

"My baby is craving," bulong ko at ngumiti.

Unti-unting gumuhit ang ngiti niya sa labi. "Y-Yo