Chapter 46

Nagdilat ako ng mga mata nang bigla akong nakaramdam ng gutom. Tiningnan ko ang oras sa wall clock. Pasado alas tres pa ng umaga, pero bakit ang aga ko yatang nakaramdam ng gutom? Gusto kong kumain ng ice cream. Umahon ako sa kama at hinawakan ang tiyan ko.

"Baby, gutom ka na naman?" bulong ko habang hinihimas ang tiyan ko.

Agad akong nagtungo sa kusina at tiningnan ang refrigerator kung may stock pa ba silang ice cream. Bumagsak ang balikat ko nang nakitang wala na pa lang stock.

"Bakit gising ka pa?"

Nagpatalon ako nang narinig ko ang boses ni Raheel. Kumuha siya ng malamig na tubig sa refrigerator at ininom ito.

"Nag-crave ako ng ice cream kaya -"

"Sa ganitong oras gusto mong kumain ng ice cream?" hindi makapaniwalang tanong niya at muling uminom ng tubig.

Tumango ako. "Ano naman sa 'yo kung gusto kong kumain ng ice cream?" sarkastikong tanong ko at kumuha na lang din ng malamig na tubig.

Napabuntong-hininga siya at tinitigan ako ng ilang segundo. "Anong flavor ang gusto mo