Chapter 45

I grunted hard pagkalabas nila ng kwarto. Kailangan kong pakalmahin ang sarili ko. Baka maging kamukha ni Andrea ang magiging anak ko kasi palagi na lang kaming nagbabangayan. Hindi dapat ako magpaapekto sa kanila. Kailangan ako ng anak ko. Bubuhayin ko siya kahit ayaw siyang tanggapin ni Raheel.

Napahawak ako sa tiyan ko nang naramdaman ang pagkalam nito. Naninibago ako sa eating routine ko. Hindi naman ako madaling magutom dati. Pero ngayon, pakiramdam ko palagi akong gutom. Ganito ba kapag buntis?

Pagdating ko sa kusina ay nakahanda na ang mga pagkain. Nang nakita ako ni Chairman Marcelo ay kinaway niya ako kaya agad naman akong lumapit. Pinaupo niya ako sa tabi niya.

"Good morning, Ma'am Anabelle, ipinagluto ko pala kayo ng paborito niyong ulam," saad ni Ate Jane.

"Talaga po?" hindi makapaniwalang sambit ko at tiningnan ang dalawang bowl na inilapag niya sa harapan namin ni Chairman Marcelo.

Abot langit ang ngiti ko nang nakita ang dalawang ulam na paborito kong kainin: ang s