Chapter 161

Pilit ko kinalimutan ang nangyari kagabi. Hindi ko aakalain na gagawin 'yon ni Theo sa akin. Hindi niya ako pinatulog dahil hinalikan niya ako sa pisngi. Ang mga biro niya rin hindi ko pa rin ma-process ng maayos.

"My future wife is here. And we're planning together what our dream house will look like..."

Ginulo ko ang buhok ko. Nababaliw na yata ako. Hindi ko maalis sa isipan ko ang mga sinabi niya kagabi. Ginawa niya akong future wife. Trip niya talagang asarin ako. Dinadamay niya pa ang proyekto ko sa mga biro niya.

Naputol ang pag-iisip ko nang mahagip ko si Theo na naglalalad sa hallway. Nagtago ako sa gilid ng hagdanan habang sinisilip siya. Para siyang may hinahanap. Sinabunutan niya ang buhok niya habang may sinasabi, pero hindi ko makuha kung ano ang pinuputak niya.

"Are you hiding?"

Napapikit ako at ikinuyom ang kamao ko nang marinig ang boses ni Ben. Dahan-dahan akong lumingon sa kaniya. Kasama niya na naman ang mga kaklase namin.

"I'm not hiding," I lied. Inayos ko a