Chapter 163

Kaisha's POV

Namamaga ang mga mata ko nang magising ako. Hindi ko man lang namalayang nakatulog pala ako habang umiiyak. Naghilamos ako ng mukha at tiningnan ang sarili ko sa salamin. Paano ako haharap ngayon kay Theo? Baka isipin niyang umiyak ako kasi sinabi niyang hindi niya ako gusto.

Ikinuyom ko ang aking kamao nang maalala na naman ang ginawa ni Rain kanina. Patapos na ako sa plate na 'yon, pero sinira niya lang. Tumingin ako sa relos ko. Napamura ako nang makita ang oras. Madaling araw na at mahihirapan akong tapusin ang plate na 'yon. Hindi ko rin alam kung paano ipapaliwanag sa professor ko ang nangyari kasi takot ang nangingibabaw sa akin. Baka makatanggap lang ako ng masasamang salita dahil sa katangahan ko.

Nagpasya akong lumabas muna ng silid upang kunin ang mga gamit kong naiwan sa sala. Pagkalabas ko, nakita ko si Theo na mahimbing nang natutulog sa couch. Nasa sahig ang phone niya kaya pinulot ko 'yon. Namilog ang mga mata ko nang makita ang tapos ng plate na iniyak