Chapter 165

Halos hindi ko malunok ang kinakain ko kasi nawalan na ako ng ganang kumain. Nasa malapad na table kami kasama ang mga kaibigan ni Rain. Hindi ako kumportable na makasama silang kumain. Sinulyapan ko si Theo, pati siya pinaglalaruan niya lang ang pagkain niya. Nakadikit na naman si Rain na parang linta. Sinubokan siyang suboan ni Rain, pero hindi siya pumayag. Pinagtitinginan na rin kami ng ibang mga estudyante kasi ang ingay-ingay nilang kumain. Ang lakas-lakas nilang tumawa, na para bang sila lang ang nasa loob ng cafeteria.

Nang maubos ko na ang pagkain ko, niligpit ko na ang mga gamit ko upang makaalis na at makapunta sa lugar na tahimik. Inaantok kasi ako at gusto kong magpahinga bago magsimula ang klase ko sa next subject.

"Aalis ka na?" Tinaasan ako ng kilay ni Rain. Tumingin siya sa mga gamit ko.

"Pupunta muna ako ng library. Doon muna ako tatambay para magkaroon naman kayo ng oras ni Theo." Tumingin ako kay Theo. Nakakunot ang noo niyang tumingin sa akin.

"I'm full," saad