Chapter 172

Pinagmasdan ko si Theo na mahimbing na natutulog sa tabi ko. Ako ang binabantayan niya, pero siya ang nakatulog sa aming dalawa. Hinayaan ko na lang din siya kasi ilang araw na rin kaming kinulang sa tulog.

Hindi nawala sa isipan ko ang pangalang binigkas niya roon sa school clinic. Isinandal ko ang ulo ko sa headboard ng kama. Umahon ako nang makita ang maliit na box sa ibabaw ng study table niya. Sinulyapan ko muna si Theo bago kinuha ang box at binuksan. Nakita ko sa loob ang kwintas na palagi niyang sinusuot. Ngayon ko lang napansin na hindi niya na pala ito sinusuot nang aksidente ko itong naputol.

Pinag-aralan ko ng maigi ang kwintas. May kalumaan na ito, pero pinapahalagahan niya pa rin. Napasinghap ako nang maalala kung paano siya magalit sa tuwing nasisira ang kwintas niya.

"Anong ginagawa mo?"

Napaigtad ako nang marinig ang boses niya. Nakaupo na siya sa kama nang hinarap ko siya. Palihim kong inilagay sa table ang kwintas.

Tumagilid ang ulo niya. "May hinahanap ka? I'l