Chapter 175

Theodore Jasper's POV

Kanina ko pa napapansin ang pagiging tahimik ni Kaisha simula nang dumating si Mommy. Nagsasalita lang siya kung tinatanong siya ni Mommy tungkol sa pag-aaral niya. Napag-usapan din namin ang tungkol sa trabaho niya. Hindi alam ni Mommy na roon ko sa restaurant namin pinapasok ng trabaho si Kaisha kasi mas convenient sa school at condo.

Gustung-gusto ko ng sabihin kay Mommy na si Kaisha ang gusto ko, pero pinangungunahan ako ng takot. Nasabi ko na sa kaniya ang tungkol sa ginawa ni Rain, pero pati siya parang hindi rin naniniwala sa akin. Baka na-brain wash ng mga magulang ni Rain bago pa ako nakapagsumbong sa kaniya.

"Hindi ka ba nagugutom, Kai?" tanong ni Mommy nag mapansin ang pagiging tahimik niya. Hindi niya rin ginagalaw ang pagkain niya.

Nag-angat ng tingin si Kaisha. "Nagugutom naman po. Medyo -" Naputol ang sasabihin ni Kaisha nang lagyan ni Mommy ng ulam ang plato niya.

"Kumain ka ng maayos, Kaisha. Baka sabihin ng mga magulang mo napapabayaan na k