Chapter 160

Nagpaalam si Theo na kakausapin ang manager ng resto. Siya na rin ang nagpaalam sa manager ko na hindi ako papasok ngayong araw kasi magpapatulong daw siya sa gagawing proyekto. Pero ang totoo, ako ang tutulongan niya.

Hinanda ko ang mga materials na gagamitin namin habang hinihintay siyang makabalik. Nagluto na rin ako ng hapunan namin. Nakakahiya naman kong pati sa pagkain ay ililibre niya ako. Bayad ako ngayong gabi ng pang-isang buwanang sahod ko kahit ako ang tutulongan niya.

Makalipas ang mahigit isang oras ay nakabalik na si Theo. Hindi pa rin siya nakapagbihis. Nakasuot pa rin siya ng jersey at mukhang natuyo na ang pawis niya.

"Maliligo muna ako," paalam niya at dumiretso sa silid niya.

Binuksan ko ang laptop ko at nanuod ng mga magagandang disenyo ng bahay para may ideya naman ako kung papaano ko sisimulan ang proyekto ko.

Bumukas ang pinto sa kwarto ni Theo at nakita ko siyang lumabas. Pinupunasan niya ang ulo niya ng tuwalya. Umupo siya sa tabi ko at sinandal ang kani