0026: The intentional Kiss

**Serenity's Point of View**

Nagising ako nang maramdaman kong walang tao sa tabi ko. Agad akong nataranta. Wala si Ricky sa kabilang side ng kama, at pati si Miguel, na kanina lang ay katabi ko, ay wala na rin. Hindi ko na ininda ang itsura ko—mukha ko’y magulo, buhok ko’y gusot—nagmadali akong lumabas ng kwarto, ang puso ko’y kumakabog sa kaba.

"Na-" Napahinto ako sa kalagitnaan ng aking pagsasalita.

Sa kusina, nakita kong nakaupo si Miguel sa isang high chair na hindi ko maalala kung saan galing. Ang anak ko, nakangiti habang tumatawa pa paminsan-minsan, lalo na kapag nagpo-poker face si Ricky Dave habang abala sa pagluluto. Mabilisang haharap si Ricky kay Miguel, tila naglalaro sila ng isang tahimik na laro, at tuwing gagawin niya iyon, tatawa si Miguel nang malakas, na para bang ang saya-saya niya.

Nakahinga ako ng maluwag. Nasa maayos na kalagayan ang anak ko. Wala nang makakapantay sa kapayapaang naramdaman ko nang makita silang ganoon—parang isang pamilya. Nakita ko rin si Ric