Chapter 5

"Hanep na yan! Natapos na lang tong libro wala man lang bed scene!" sigaw ni Lili saka binagsak sa upuan ang komiks nya.

Natigilan naman ako sa pagkain ng mais.

"Walang kwenta, wala man lang akong naramdaman na libog sa libro na yan!" she exclaimed.

Nanlaki ang mga mata ko sa sinabi nya. Halos naibuga ko pa ang kinakain kong mais.

"Gaga ka, heto tubig," aniya ng lumapit sa akin. Nakita nya yatang halos mabulunan ako. Ewan ko ba naman kay Lili, sobrang bulgar ng mga sinasabi. Hindi ko masabayan. Gabriela is liberated, yes, but Lili is on another level. Kahit wala syang boyfriend ay nagmumukhang bihasa na rin sya sa larangan ng pakikipagrelasyon, dahil sa binabasang komiks at pinapanood na anime.

“Akin na nga iyan! Kaya ka laging sinisikmura kasi di ka natutunawan. Pag sumakit yang tyan mo mamaya, wag kang hihingi sakin ng gaviscon o kremil s ha!” Singhal niya sa akin. Tumango na lamang ako ng ilang beses.

Umismid naman siya ng makita ang paulit-ulit kong pagtango. I just realized that Lili is a beautiful girl too, kung matututo lamang siyang ayusin at pangalagaan ang sarili niya ay tiyak na mamamangha ang sinuman na makakakita sa kanya. She’s a Cuevas after all, hilaw man kung sabihin ng ibang estudyante but still, the Cuevas blood runs through her veins.

“Magkwento ka naman tungkol sayo,” wika niya na nakapagpatahimik sa akin. Kinuha nya ang silya at lumapit, tumabi sya sa akin at tinitigan ako. Tila naghihintay ng sasabihin ko.

“Uhh, wala naman akong ikukwento," sagot ko sa kanya.

"KJ mo naman, sige na. May mga pogi ka bang pinsan? Reto mo ko, sabihin mo magaling ako humalik," she said, trying to sound convincing. Napangiwi na lamang ako. Are we really the same age? We're both 17 pero sobrang advance ng pagiisip nya sa ganoong bagay.

"May ilan akong mga pinsan, pero wala dito sa Pinas. Most of them are in Spain or in US, some are in Brazil," sabi ko saka lumayo ng konti sa kanya dahil halos magkadikit na ang mga mukha namin.

“Wow! Ang gugwapo siguro nila! With Spanish descent kayo diba? Mga mababango din siguro sila. Di tulad ng mga lalake dito, juskupo. Pangit na, amoy lupa pa, ang sasama pa ng ugali,” aniya. Pinitik ko naman ang noo nya.

"Makasabi ka nyan, tiga rito ka din naman," paalala ko sa kanya.

"Kahit na! Basta ako, mag-aasawa ako ng afam! At hindi tiga rito," mataray niyang sabi.

"Ikaw ba? Uhh. May mga pinsan kang gwapo?" alangan kong tanong.

Tumaas ang isa nyang kilay saka ngumiti ng nakakaloko.

"Uyy,curious sya. Chos, si Kuya Randal lang ang maisa-suggest kong gwapo but he's too old for you. Yung iba kong pinsan mga gwapo nga, pero conyo at saka babaero. Ahhh. Basta Cuevas, babaero. Lahat yata sila babaero. Kita mo ko. Anak lang ako sa labas, dahil yung tatay ko haliparot, nabuntis yung kasambahay nila—ang nanay ko. Ako ang bunga! Hilaw na Cuevas," aniya saka umirap.

"Grabe ka sa sarili mo Lili," sabi ko sa kanya.

"Haynako, sanay na ako Bel. Imbes na ma-offend, tinanggap ko na lang. Para di na ko ma-stress," wika niya saka kinuha ang aklat na binaba nya kanina at sinilid sa bag nya.

"Anyway, wag kang mag-alala. Pag may nakita akong kamag-anak namin na gwapo, matangkad at may 6-pack abs, at higit sa lahat yung Cuevas na loyal... irereto ko kaagad sa iyo. Ay! Meron pala. Nag-iisang loyal yon sa mga Cuevas, pinakagwapo pa, ang kuya ko, nakatatanda kong kapatid. Kaso sa sobrang rare nya, sobra din ilap sa mga babae—"

Hindi na naituloy ni Lili ang kwento niya dahil tumunog na ang bell hudyat na tapos na ang recess time.

Nagmadali naman kaming iligpit ang mga ginamit namin at pinagkainan at inayos ang hideout namin bago kami umalis at magtungo sa classroom.

Naabutan namin ang ibang mga kaklase sa room na tila nagmi-meeting. Karamihan ng mga kalalakihan ay nakapalibot kay Gabriela. Sa magkabilang gilid naman ay may dalawang katabi na babae si Gab na mistulang mga alalay niya, ang isa ay tiga masahe ng palad at ang isa naman ay tiga suklay ng buhok.

"Sige na Gabriela, sumama ka na. Minsan ka lang naman sasama eh," rinig kong salita ni Enzo, ang isa sa mga nambubully kay Lili noon.

"Gusto ko talagang sumama, pero hindi kasi ako pinapayagan na lumabas, unless kasama si—" wika ni Gab saka bumaling sa akin. Ako naman ay natigilan sa aking kinauupuan ng balingan ako ng lahat.

"Isasama mo yan?" nakangiwing tanong Anya, ang babaeng nagsusuklay ng buhok ni Gab.

"Are you sure Gabriela?" si Dalia naman ang nagsalita.

"Why not?! Is there a problem?" tumaas ang tono ng boses ni Gab ng balingan niya si Dalia.

Bakas ang takot sa mukha ni Dalia "No Gabriela, wala naman problema. Of course, your sister could come. Right guys?" sagot ni Dalia saka tumingin sa mga kasama na tila humihingi ng tulong. Tumango naman ang iba bilang pagsang-ayon.

"That's it! Sasama kami ni Isabella," masiglang anunsyo ni Gab samantalang ang iba naman ay hilaw na ngumiti lamang.

I get it. Ayaw naman talaga nila akong kasama. I'm a weirdo. A loser. Cheap version of my twin. What else?

Nakauwi na kami ngunit ang bukambibig pa rin ni Gabriela ay ang picnik na magaganap bukas. She was so hands on na nagpasuyo pa sya sa family chef namin to prepare all the food. And she can't wait to showcase her body on bikini. She even lend me a swimsuit in case I want to wear one, as if naman gagamitin ko iyon.

"I think the red one suits me better, right Bel?" aniya saka binalandra ang one piece bikini. Tumango na lamang ako. Kinuha ko ang suklay sa drawer saka sinuklay ang buhok habang binoblower ito. Katatapos ko lamang magshower at paglabas ko ng cr ay naabutan ko ng nagsusukat mga bikini si Gabriela, at dito nya pa talaga ginawa iyon sa kwarto ko.

"Aren't you excited Bel?!"

Natigilan ako sa tanong niya. I bit my lower lip, paano ko ba sasabihin sa kanya na ayaw kong sumama? Tumingin ako sa kanya saka bumuntong hininga.

"Gab—"

"No."

Nanlaki ang mga mata ko, hindi ko pa nasasabi ang dapat kong sabihin pero naunahan na naman nya ako.

"Hindi pwede Bel. Bawal ng umatras. Sasama ka. Pinayagan na tayo ni Papá, naiprepare na lahat," she said while seriously looking at me. This is the Gabriela that I don't want to mess with.

"Ijust... don't belong to your group," I said to her, almost whispering.

"Who told you that?" di makapaniwalang tanong niya.

Gabriela has always been ignorant when it comes to me being her shadow. Sa paningin niya ay pantay lamang kami, akala niya ay pareho kami ng atensyon na nakukuha. Na pareho ang pagtingin ng tao sa amin.

"Everyone thinks of me as a weirdo or lame. C'mon, as if you don't know?" sabi ko saka binalik sa drawer ang ginamit kong suklay.

"Sino? Give me the names," maangas niyang tanong.

Of course I am untouchable when she's around, kaya akala niya ay okay lang ako. Pero kung wala siya, ay saka naman ako nabubully.

"Nevermind. Basta, maiiwan na lang ako. Or kung gusto mo, sabay tayong aalis dito pero didiretso ako sa hotel natin then I'll hide na lang. Para lang isipin nila lolo na kasama kita. Cause Gab, maa-out of place lang ako doon. Your friends, are not my friends," paglilinaw ko sa kanya.

"Fine, kung sa tingin mo wala kang kaibigan doon, then bring Lilliana. She's your friend, di'ba? Isama mo sya. Edi tapos ang usapan. Wala ka ng excuse," suhestyon niya saka nagmartsa paalis sa kwarto ko.

Napanganga na lamang ako na napaupo sa kama. Now, how am I going to tell Lili about this? Lagot ako sa kanya. Papayag kaya siya? For sure, she will freak out! But I don't have a choice, ayaw ko din naman na magalit si Gab sa akin. The last time she got mad at me, she did not talk to me for 6 freaking months. Imagine the struggle?!

I have to convince Lili na sumama.

"Hindi ako makapaniwalang kambal talaga kayo, kasi... yes the face is the same but at the same time sobrang layo ng agwat nyo sa isa't isa. Like, are you a clone or something? You're supposed to be a campus crush too dahil pareho kayo ng mukha. But you're a loser and a weirdo, so nah. What are the odds di'ba? You guys are twins, but not the same," mahabang litanya ni Anya habang iniikutan ako at sinusuri ang buong pagkatao ko.

"Sino pa bang hinihintay?" Tanong ni Dalia habang nagpapaypay. Tumingin ako sa kanya at ganoon din siya, agad niya akong inirapan. What is wrong with her?

"I don't know, ask Gabriela," sagot naman ni Anya na ngayon ay nagpapahid ng lipgloss sa labi pagkatapos ay tinawag naman niya si Gab na kausap ang driver namin at tila may ibinibilin.

Gabriela, my sister, is wearing a Donna Morgan dress. It’s got a beachy vibe but is classic in style with accordion pleating and the stark white top and Chloé Lou recycled crochet and rubber flip flops. Pina-french braid nya lamang ang buhok niya sa akin kanina saka naglagay ng light make-up at nagsuot ng LV sunglasses. She looks stunning, from head to toe.

Madalas ko syang kainggitan dahil sa ganda ng pagdadala niya ng damit, plus her confidence. No wonder na hinahangaan sya ng lahat. At heto ako, wearing a white oversized shirt at floral cullotes. Hindi ko mahanap ang sandals ko kanina kaya hiniram ko na lamang ang beachwalk slipper ni Yaya Tonya. Gabriela almost fainted ng makita niya ako pero sa huli ay wala din syang nagawa dahil late na kami at wala na akong oras para magpalit.

"Oh, si Lilliana Cuevas. She's going with us,"

"What?!"

"That freak?!"

"C'mon Gabriela, for real?"

Sari-saring reklamo ang sinabi nila. They were really disgusted na kasama kami ni Lilliana. And I feel sorry for Lili dahil nadamay pa sya, imbes na ako lang ay sinama ko pa sya.

"It's just for today, relax guys. The more, the merrier!" wika ni Gab na nakapagpatahimik sa kanila. Umirap na lamang ang iba sa akin dahil alam nilang ako ang may pakana na isama si Lili.

"Oh speaking, she's here," sabi ni Gab saka tinuro ang paparating na puting SUV. I wonder who's driving? I don't know, pero naging habit ko na ang pagnakaw sulyap sa driver nila Lili. Though he's really the cold type of guy na never nagsalita o sumulyap man lang sa akin. I get this funny feeling in my stomach everytime na paparating siya gamit ang puting SUV.

Sumalubong agad ako kay Lili. Nakasimangot siyang bumaba sa sasakyan. Sisilipin ko pa sana kung sino ang nagmamaneho pero agad niyang sinara ang pinto. Heavily tinted din kasi ang window ng sasakyan kaya't hindi ko maaninag ang nagmamaneho. Is it Lander? Maybe. Most of the time siya talaga ang naghahatid sundo kay Lili. He's their driver after all.

"You owe me this one, Bel" sambit ni Lili. Ngumiti na lamang ako. We talked for almost an hour kagabi dahil ang tagal bago ko sya napapayag na sumama.

"Okay, kumpleto na tayo, let's go!"

Nauna na ang mga kaibigan ni Gabriela na pumasok sa sasakyan at ng papasok na kami ni Lili ay saka naman nagkaproblema.

"OMG! Hindi na tayo kasya!" sigaw ni Anya.

Ilang minuto din kaming naghintay ni Lili sa labas, ngunit wala ding nagawa.

"Wait, tatawag ako sa hacienda. I will ask Tiyo for another van," wika ni Gabriela

"Eh kung maiwan na lang kayo?" the boy in the back yelled na nakapagpatawa naman sa ibang mga kasama namin.

"Okay lang Gabriela, tatawagan ko na lang si Kuya Lander," sagot naman ni Lili. I almost gasped when I heard their driver's name.

"OMG! Lander Cuevas?! He's hot!" sigaw ni Anya.

"Asa ka pa Anya, he's out of your league!" wika naman ni Drake.

"Whatever, he's like the most eligible bachelor here in the entire country! Of course, he's out of my league. Pero hindi naman masamang mangarap!" mataray na sagot ni Anya. Nagtalo pa sila ng ilang beses bago tumigil. So Lander Cuevas is really famous here. Bakit hindi ko alam? Yeah, bagong salta nga lamang pala kami rito.

"Is that okay with you Lilliana?" tanong ni Gabriela kay Lili.

Tumango lamang si Lili.

"Yun naman pala e, at saka, resort naman nila yung pupuntahan natin sa Dinadiawan. So Lilliana we alam mo na ha, sabihan mo na sila doon na darating tayo," wika ni Drake ang varsity player na ilang buwan na ring umaaligid kay Gab. He's cute, but also an ass.

Ilang minuto pa at umalis na sila. Naiwan kami ni El sa gate ng school. Dito na rin pala sa school entrance ang naging meeting place namin. It's already 8:00 in the morning.

Si Lili ay walang ginawa kundi magtext, sa tingin ko ay tinadtad na niya ng text ang driver nila na si Lander.

"Ayun, andyan na si kuya" wika ni Lili saka tinuro ang paparating na itim na Ford Ranger Raptor.

"Hala kuya, bakit may karton dito sa backseat? Paano uupo si Isabella?" reklamo ni Lili kay Lander.

"Who said she's sitting there? You'll sit there."

Ito ang unang beses na marinig ko ang boses niya. May diin ang bawat salita ni Lander plus his husky voice.

"Eh, bakit?" reklamo muli ni Lili.

"Cause I said so."

Sa huli ay walang nagawa si Lili kundi ang umupo sa likod katabi ang mga karton na ayon sa driver nilang si Lander ay mga kagamitan na kailangan sa resort.

"Uy, Bel halika na. Umupo ka na sa harapan, katabi ni Kuya," sigaw ni Lili.

Saka lamang ako natauhan. Kanina pa pala ako nakatayo sa tapat ng sasakyan. Gagalaw na sana ako ngunit natigilan muli ng biglang nasa harapan ko na pala si Lander. Kailan pa sya nakababa ng sasakyan?

For the first time ay natitigan ko siya ng malapitan. He's wearing a basic white tee with some tan shorts, rolled once or twice at the hem, paired with a soft blue button-down and a pair of simple beach slipper. Napansin ko din na nakapony muli ang mahaba niyang buhok. Nahigit ko ang aking hininga, lalo na ng marealize na sobrang lapit na pala niya sa akin dahil halos naaamoy ko na ang pabango niya.

Napabalik na lamang ako sa reyalidad ng pagbuksan niya ako ng pintuan ng sasakyan.

Agad naman akong pumasok upang maupo upang hindi mapahiya. Did he catched me checking him out?

Sumunod naman ay pumasok na din siya at saka pinaandar ang sasakyan.

Si Lili lamang ang maririnig na nagsasalita sa aming tatlo. Ako naman ay hindi mapalagay dahil panay ang sulyap sa akin ni Lander. And what's really bothering me is he looks irritated. May mali ba sa mukha ko? Am I really that ugly to the point that it angers him?

Napasigaw na lamang kaming dalawa ni Lili ng biglang huminto ang sasakyan.

"Kuya bakit?" tanong ni Lili.

Maging ako ay napatingin sa kanya. He turned to look at me once again, his eyes raging in anger. Bakit? Anong ginawa ko?

Then suddenly, he leaned into me.

Time stopped at that moment.

Closer and closer, till I can't bear it anymore. The funny feeling in my stomach is too much. I closed my eyes. I could almost feel his breath on my neck.

Hindi ko alam kung imahinasyon ko lamang ba o naghahalucinate na ako dahil kanina ko pa pinipigilan ang paghinga ko. But I think I heard him chuckled for a bit then he whispered, "breath", alam ba niyang kanina ko pa hinihigit ang paghinga ko? Argh. Naghahalucinate na nga yata ako.

Hanggang sa maramdaman ko na lamang na may inaabot siya sa likuran ko at saka may inayos na kung anuman at narinig ko na lamang ang pagclick ng isang bagay sa gilid ko. I opened my eyes just to realize na kinabit lamang pala niya ang seatbelt ko. Nakaayos na rin siyang nakaupo at saka muling pinaandar ang sasakyan.

"Ano yun?" pagbasag ni Lili sa katahimikan.

"Seatbelt," maikling sagot ni Lander.

Nakatulala na lamang ako sa daan habang nagkukuwento si Lili na matagal ding hindi siya nakadalaw sa resort nila sa Dinadiawan. I'm still catching my breath dahil sa nangyari kanina. It was so intense.

"Ilang hours na nga bago makarating doon kuya?" tanong ni Lili kay Lander.

"An hour," sagot ni Lander. Napalingon ako sa kanya. Siya naman ay abala sa pagmamaneho at sa daan lamang nakatingin.

Shoot. Lalo lamang akong nanlumo. An hour, with him? I almost died a while ago. Kakayanin ko pa bang makasama siya gayong may ganoon pala siyang epekto sa akin? He'll be the death of me!