CHAPTER 107

“WOW ATE, ang sarap naman pala ng ganito, may mamahaling service na tayo, may body guards pa tayo. Mabuti na lang si Kuya Matt ang napangasawa mo,” nakangising sabi ni Junjun sa kanya. Mula sa rear view mirror ay nakita niyang napatingin sa kanya ang driver ng Mercedez Benz na sinasakyan nila.

Hindi na lamang siya umimik pa. Kung alam lamang ni Junjun ang lahat ng mga hirap ng kalooban na pinagdadaanan niya at kung paano siya ituring ni Matt, baka masabi nitong napakamalas naman ng kapalaran niya.

Ngunit syempre pa ay hindi na niya kailangang ipaalam pa iyon sa mga kapatid. Ayaw naman niyang mag-aalala pa ang mga ito.

“Ate Nat, pwede ba tayong mag-take out ng halo-halo mamaya?” Si Marco, “Miss ko na iyong halo-halo sa Mang Inasal.”

“Oo bah,” aniya ditto.

“Ate, ang saya-saya ko talagang magtatagal ka sa bahay.” Sabi ni Marco na niyapos pa ang isang braso niya, “Sana wag ka na lang umalis.”

“Hindi pwede iyon. Me