CHAPTER 106

“MAS MABUTING duon na muna si Natalia sa kanila habang medyo busy ako. Mabuti na rin iyong makasama niya ang pamilya niya sa unang buwan ng pagbubuntis niya. Pero gusto kong matiyak ang safety niya kaya padalhan mo sya ng tatlong katulong at limang body guards,” sabi ni Matt kay Rigor, “At pakitawagan mo na rin si Regine, papuntahin mo siya sa bahay.”

“Yes Sir,” sagot ni Rigor sa kanya.

Nagtungo siya sa banyo at naligo. Bago umalis ay pinuntahan niya si Natalia, nakagayak na ito nang datnan niya sa kuwarto nito.

“Sasamahan ka ng tatlong katulong at limang body guards sa inyo,” sabi niya rito.

“Hindi ko kailangan ng body guards at ng maid. Kaya ko naman ang sarili ko. Saka walang matutulugan ang mga iyon sa. . .”

“Ipinauna ko na iyong dalawang katulong dun para ayusin iyong dalawang bakanteng kuwarto dun para sa kanila.” Aniya ditto.

Nag-angat ito ng isang kilay, “So pati sa bahay namin ikaw na rin ang nagde