Chapter 220- Alam niyo anong pinaghuhugutan ko!

“RIZALLIE!” Sigaw ni Shy kaya napahinto si Rizallie at nanlalaki ang matang tumingin sa kaniya. “Anong ibig sabihin nito?” taas baba na ang dibdib ni Shy dahil para siyang hinihingal sa mga nalaman niya.

“UWI!” Sigaw niya.

“Ate, m-magpapaliwanag ako.”

“SABI NG UWI!” Tumulo ang luha sa mga mata ni Rizallie at napipilitang lumayo kay Geo. Sinubukan niyang hawakan ang kamay ni Shy.

“UMUWI KA SABI!”

Tumakbo si Rizallie pabalik sa bahay nila ng umiiyak.

Nang mawala si Rizallie, agad na nilapitan ni Shy si Geo at agad na sinampal. “Ayoko ng makikita ang pagmumukha mo na umaaligid kay Rizallie.”

Sa sobrang lakas ng pagkakasampal niya, dumugo ang labi ni Geo.

May nakakita sa ginawa niya at halos lahat ay hindi makagalaw sa kanilang nasaksihan sa gulat dahil sa bilis ng pangyayari.

Umuwi si Shy sa bahay nila at nadatnan niya si Rizallie na umiiyak habang yakap ang mama niya.

“Shy-"

“Ma, nakita ko siyang nagyayakapan doon sa Geo na yun!”

Tumayo si Connor na namimilog pa mata at lumapit kay Shy.