Five

"Handa ka na ba?" tanong ni Sally kay Irish nang makarating sila sa kumpanya kung saan siya nagtatrabaho.

Bumuntong hininga si Irish at tumango sa kanyang kaibigan. Kinakabahan siya hindi dahil hindi siya makakapasok sa kumpanya, alam niya kung paano makapasok ngunit ang iniisip niya ay baka may makakilala sa kanya at ituro siya sa kanyang pamilya. Ayaw niyang mangyari iyon dahil gusto niya munang hindi manghimasok ang pamilya niya sa buhay niya. 

"Paano kung makilala nila ako at sabihin sa magulang ko na nandito ako?" tanong niya kay Sally. 

Hindi agad nakasagot si Sally dahil kahit siya ay hindi alam kung anong gagawin kung sakaling mangyari nga ang iniisip ni Irish. Hinawakan niya ang kamay ni Irish. "Magtiwala lang tayo na hindi mangyayari iyon. Minsan na akong nakita ng magulang ko pero hindi rin nila ako pinansin, at mas lalong hindi ko rin sila pinansin. Ayos lang sa akin iyon dahil naging tahimik ang buhay ko, let's just hope na iyon din ang mangyayari sa'yo..." mahabang paliwanag ni Sally. 

Tumango si Irish at saka nagsimulang maglakad papasok sa building, nakasunod lang sa kanya si Sally. Magkaibang floor silang dalawa kaya hanggang elevator lang sila nagkakasabay, mas naunang makarating si Sally sa floor niya at si Irish naman ay nasa 6th floor. At dahil simula niya pa lang sa trabaho, iniligay siya bilang marketing assistant. Ngayon pa lang siya makikilala ng mga ka-office mate niya, at kung kanina ay hindi siya kinakabahan, ngayon ay kinakabahan na siya nang nasa harap na siya ng pintuan ng office ng department nila. 

"Hey, you must be Irish Marquez?" Agad na bumaling si Irish sa nagsalita. 

Yumuko siya at saka ngumiti. "Yes, Ma'am..." 

"Good good. You're early, I like it. And by the way, I am Carla, I am your Supervisor....nice meeting you."

Bahagyang umawang ang bibig ni Irish dahil hindi niya inasahan na Supervisor niya agad ang unang makakausap niya. Agad niya namang inilihad ang kamay niya para makipagkilala kay Carla. 

"It's nice meeting you, Ma'am Carla." Nakangiti niyang sabi. 

Ipinaliwanag na ni Carla kay Irish ang lahat ng gagawin, wala pa ang Head ng Marketing Department kaya naman siya na mismo ang nagturo kay Irish, pinakilala niya na rin ito sa iba pang magiging ka-workmate ni Irish. Agad naman nagustuhan ni Irish ang pakikitungo ng mga tao sa kanya, lalo na nang makilala niya ang Head mismo ng Marketing Department; mababait ang mga ito sa kanya, ramdam niya na welcome na welcome siya. 

"Irish, ikaw na ang isasama ko ngayon sa pitching natin. Para kung wala man ako, kaya mo na rin gawin iyon---pasensya na, ngayon kasi ang proposal pitching per department sa President, lalo na bago ang president ng company para makilala mo na rin siya," paliwanang ng Head Department na si Mikaela. 

Agad namang tumango si Irish. "Yes Ma'am. Anong oras po ba?" tanong niya.

"Ngayon na kaya tara na," agad na sagot ni Mikaela. 

Binilisan naman ni Irish ang pagkilos niya, hindi niya alam kung ano ang kukunin niya kaya bigla siyang inabutan ng isa sa lalaking ka-workmate niya na iPad. "Just use this, ito ang gamit ng dati niyang assistant."

Napangiti si Irish, "Thanks Kyle..."

Nasa 8th floor ang conference room, agad din namang nakarating sina Irish at Mikaela at marami pa silang nakasabay na taga ibang department din. 

"Ngayon ko pa lang makikita ang bagong Presidente, mabait kaya siya kagaya ng ama niya?"

"Iyon ang hindi ko alam pero sana nga mabait siya. Balita namin, marami siyang binagong patakaran dito sa kumpanya."

Iilan lang iyan sa mga narinig ni Irish, napaisip siya kung bakit hindi pa nakikita ng mga tao ang bagong presidente ng kumpanya. 

"You sit here beside me, makikinig ka lang sa lahat ng ideas ng bawat department, you'll take notes para alam natin kung paano natin sila matutulongan," paliwanag ni Mikaela kay Irish nang makapasok na sila sa loob ng conference room. 

Tumango lang si Irish sa kanya at tinatak na sa kanyang isipan ang lahat habang nakatingin sa mga tao sa loob ng conference room. Kanya-kanya silang nag-uusap sa kanilang mga sasabihin mamaya, may iba ay kinakabahan at iniisip na baka hindi tanggapin ng bagong boss nila, may iba naman na kampante sa ideya nila. 

Hanggang sa natahimik na sila nang dumating ang secretary ng dating Presidente. "Good morning, everyone. Please welcome, the new President of Exec Elite, Mr. Guiller Melchor Mendez!" 

Tumayo ang lahat at nagpalakpakan, kasabay ng pagkabas ng lalaking bagong Presidente ng Kumpanya. Lahat sila ay namangha sa hitsura ng lalaki ngunit napatigil si Irish sa kanyang kinatayuan at tila ba nanghihina kaya muntikan na siyang natumba kung hindi lang siya nahawakan agad ni Mikaela. 

"Ayos ka lang?" tanong ng kanyang head. 

Hindi sumagot si Irish, umiwas siya ng tingin sa harap dahil ayaw niyang makita ang lalaki. Nakayuko lang siya at hindi alam ang gagawin. 

Sa kanyang isipan, gusto niyang tumakbo palayo sa lugar na iyon. 'Bakit siya pa ang boss ko?' tanong niya sa kanyang isipan. 

"Sit down everyone. I don't want to waste your time, dahil ang pinunta natin dito ay ang iyong mga ideas," sabi ni Guiller. 

Ang lalaking dumating ay ang lalaking nakasama ni Irish sa gabing nalasing siya sa bar kaya laking gulat niya na lang ngayon. Marami ng nagsalitang tao kada department at hindi pa rin siya nakatingin sa harap, nasa iPad lang siya nakatingin, hindi niya rin mailista ng maayos ang lahat ng sinasabi ng iilan dahil hindi siya makapag-focus, pakiramdam niya ay nakatingin sa kanya si Guiller. 

Hanggang sa ang department na nila ang tinawag kaya tumayo na si Mikaela, pero ang akala niya ay maiiwan lang siya sa upoan nang bigla siyang sinama sa harap ni Mikaela. Napatingin siya sa mga tao na nakatingin din sa kanilang dalawa. Wala naman siyang problema sa mga tingin ng naroon maliban sa tingin ni Guiller sa kanya ngayon na tila ngayon lang din siya napansin nanag tumayo siya. 

Agad ding tumayo si Guiller nang makita siya dahilan nang magtaka ang lahat. Umiwas ng tingin si Irish dahil ayaw niyang tignan si Guiller sa mga mata nito. 

"It's you....let us talk," saad ni Guiller.

Huling kita niya kay Irish ay iyong sa mall na nasa kotse siya na nakasunod kay Irish habang hindi alam ni Irish na siya iyon, at hindi niya inasahan na makikita niya ang babaeng hinahanap niya sa mismong kumpanya niya

Nanlaki ang mga mata ni Irish at napasinghap ang mga taong naroon nang biglang lumapit si Guiller sa kanya. 

"Sir, do you know her---"

Hindi natapos ang itatanong sana ni Mikaela nang biglang hinila ni Guiller si Irish palabas ng conference room, walang nagawa si Irish dahil hindi rin siya makapagsalita sa gulat. 

Nang makalayo sila sa Conference room, dinala ni Guiller si Irish sa loob ng opisina nila. Hindi pa rin alam ni Irish ang sasabihin niya, nakatingin lang siya kay Guiller na ngayon ay seryoso na ang tingin sa kanya. 

"What are you doing here?" tanong ni Guiller. 

Ilang segundo pa ang lumipas bago sumagot si Irish, "I'm working here---"

"Kailan pa?" 

"Ngayon lang. And hey, bakit mo ba ako dinala rito? Nakakahiya sa mga tao," mahinang sabi ni Irish. 

Kumunot ang noo ni Guiller dahil sa sinabi ni Irish. "I am the President of this company, I can do whatever I want. And you..." Turo niya kay Irish. "Why did you left after what happened that night?"