Kabanata IV

Lucas' POV

        Isang malaking pinto ang bumungad sa akin. Hindi ko nakita ang kabuuan ng bahay mula sa labas pero alam kong malaki ang bahay na para bang isang mansyon o palasyo. Pinag buksan siya ng pinto ng isang werewolf na babae.

        Hindi ko siya tinignan nang diretso sa mata pero nakita ko na mayroon siyang tainga sa ulo at buntot na kulay kahoy.

         Maganda ang loob nang aking silipin ito. Magagara ang mga kagamitan at makintab ang mga bakal. Hawakan ng hagdan na tila napaka haba kung aakyatin at mga lamesang babasagin. Wala akong makitang dumi kundi ang sarili. 

       Mukha ring malambot ang mga upuan sa malaking sala. May malaking telebisyon at mga naglalakihang kabinet na naglalaman ng mga boteng hindi ako pamilyar ngunit sa tingin ko ay alak.

          May mga magagandang baso rin sa ibaba, iba't ibang hugis at laki ang naroon. Tila ba sila ay may kani-kaniyang gamit sa inuming nasa kabinet.

          May malaki ring karpet sa sahig, mukhang malambot at maganda ang disenyo. Matatangkad ang mga kurtina at bintana. Miski and kisame ay mataas, malalaki ang mga nakasabit na ilaw at sadyang maliwanag.

         "Take her to her room." Her, hindi ata niya alam na hindi ako babae. Gusto ko mang itama ay hindi ko magawa dahil sa takot. 

        Alam kong mukhang babae ang katawan ko dahil wala akong muscles katulad sa ibang kalalakihan, payat ang aking  katawan dahil sa kakulangan sa nutrisyon idagdag pa ang araw araw na pang bubugbog sa akin. 

        "Yes, Master Adaldwolf." Yumuko ang babae at hinila ang aking kadena. Hindi ko magawang sulyapan kahit na ang likuran ng lalaki dahil naka tingin sa akin ang babaeng utusan.

        Tumungo kami sa isang kwarto sa loob ng bahay. Lumiko  muna kami sa isang pasilyo bago nakarating sa kwarto. 

        Binuksan niya ito at lumantad sa akin ang isang maliit, marumi na mukhang tambakan ng kagamitan. Ayos na sa akin ang ganitong kwarto, sanay naman ako sa ganitong lugar. Itinulak niya ako sa loob at agad akong natumba dahil sa lakas niya.

        "Stay there and behave like  how a slave will." Isang mataray na tono ang kaniyang pinakawalan, hindi nakakakilabot katulad sa mga  kumuha sa akin pero sapat na para manginig ako nang magtama ang aming mga mata. 

        Isang tango ang ginawa ko bago siya umalis at isara ang pinto. Inilibot ko ang aking paningin at puno ng gamit ang mga gilid, mga kabinet na may nakalagay na mga bagay.

       Wala akong makitang kahit na anong pwedeng ipang latag sa sahig kaya umupo na lang ako sa tabi ng isang kabinet at ibinaluktot ang mga tuhod upang yakapan para kahit paano ay mabawasan ang nararamdamang lamig. 

        Tama ako ng hula, narito ako bilang isang alipin, taga pag silbi sa master ng malaking bahay na ito. Ano kaya ang magiging trabaho ko? Mag linis ng bahay? Mag luto? Pero hindi naman ako marunong. Kung ano man sana ay kaya ng katawan ko, ayos na sa akin kahit pag kain lang ang ibigay nila sakin at  wala ng pera. 

        Unti unting bumigat ang aking mga talukap at nagdilim na ang aking paningin. 

*****

        Nakaramdaman ako ng lamig kaya agad akong  napa upo, hindi ko man lang naramdaman na napahiga na pala ako sa malamig na sahig. Hindi naman ako madaling magkasakit dahil sanay na ang katawan ko sa lamig pero mahirap pa rin kapag sobrang lamig na. 

        Tumungin ako sa bintana sa itaaas at malapit ng sumikat ang araw. Sana lang pumasok ang init dito sa loob mula sa bintana para kahit papaano ay mainitan ang katawan ko. Niyakap ko ang tuhod kong muli. 

        Kailan kaya nila ako aabisuhan tungkol sa mga gaagwin kong trabaho? Kailangan kong pag igihan ang trabahong ibibigay nila sa akin, mukhang mabait ang bumili sa akin at kahit papa ano ay may awa. 

        Inaasahan kong pag dating palang namin ay kakaladkadin  niya ako o kaya pag tatawanan pag katapos insultuhin ang aking hitsura....ang aking kapalaran. Pero parang wala lang siyang paki alam kagabi. 

        Nagulat ako nang may kumalabog sa labas, bigla akong kinabahan at bumilis ang tibok ng puso ko. Biglang bukas ng malakas ang pinto ng kwartong ito at iniliuwa nito ang isang pigura ng isang lalaki, mukhang aalis dahil sa maganda nitong kasuotan. Malaki ang katawan at kaakit akit. Napapikit ako nang  paulit ulit nang bigla siyang lumakad palapit sa akin. 

       Tumigil siya sa harap ko at tinitigan ako nang maigi kaya napalunok ako lalo na ng mapansin ko ang magaganda niyang mga mata. Matangos na ilong at mapupulang labi. Katulad sa babae ay mayroon siyang tainga sa ulo at buntot na kulay itim. 

        "Stand." Nanlaki ang mga mata ko nang makilala ko ang boses niya, agad akong yumuko at tumayo. Nanginig ang tuhod ko kaya muntik na akong matuba pero mas nagulat ako ng maramdaman ko ang mainit  niyang palad sa malamig kong balat. 

        "P-patawad." Napa pikit ako ng buhatin niya ako ng parang pang kasal. Kinakabahan ako nang matindi dahil sa pangyayari. Saan nioya ako dadalhin? Papatayin niya na ba ako? Mas lalong lumakas ang pintig ng puso ko sa kaba sa aking naiisip. 

        Bumalik kami sa dinaanan namin noong babae kagabi. Tuloy-tuloy siya sa kaniyang pag lakad patungo sa hindi ko alam na lugar.

        Pero bago pa man kami maka akyat sa hagdan ay hindi naka takas sa aking paningin ang katawan ng babaeng werewolf, siya ang naghatid sa akin kagabi. Nakahiga siya sa sahig at naliligo sa sariling dugo ngunit naka mulat ang mga mata. 

        Muli akong napa lunok sa nakita pero unti-unti itong nawala sa paningin ko ang babae dahil patuloy ang master sa pag akyat sa hagdan. Saan naman kaya niya ako dadalhin? Naramdaman ako ang paghinto niya sa isang pinto. Pinagbuksan siya ng lalaki kagabi na nagbukas ng pinto ng kotse. 

        Isang malaking kwarto ang lumatad ngunit maraming kama. Dito ata natutulog ang mga katulong sa bahay na ito. Ibinaba niya ako sa isang kama sa dulo.

        "You will be using this bed. Fergus will tell you everything." Tumalikod siya at lumabas ng kwarto. 

       Ramdam ko ang malalim na tingin niya sa akin, Fergus diba?

        "Una, kasama ka sa mga maglilinis ng bahay. Pangalawa, nandoon ang banyo at maglinis ka ng katawan mo. Siguraduhin mong malinis ka mula ulo hanggang paa. Ayaw ng master na marumi ang mga tauhan niya."  Tumayo ako at tumungo sa banyo dahil naka turo pa rin ang daliri niya sa direksyon ng banyo. 

        Pumasok ako at nilibot muli ang paningin sa paligid. May mga kagamitan na pang paligo. Hinubad ko ang damit ko at isinabit bago buksan ang shower. Kumuha ako ng shampoo at inilagay sa buhok ko.

*****

        Ilang  beses kong shinampoohan ang buhok ko dahil hindi bumubula, pag kalipas ng tatlo ay tsaka lang bumula. Magaan ang pakiramdam ko dahil luminis ang balat ko at umaliwalas. Nawala din ang lagkit na ang tagal ko ng nararamdaman. 

        Nang lumabas ako sa banyo ay naroon pa rin si Fergus.....okay lang bang Fergus ang tawag ko sa kaniya? Hindi ba ikagagalit niya ito kung hindi ko siya bibigyan ng respeto? Sir Fergus? 

        "Ito ang isuot mo." Agad kong kinuha ang binigay niyang damit at bumalik sa banyo upang mag palit ngunit agad akong nakaramdam ng hiya nang makita ko ang damit. Pangbabeng damit. Kailangan ko bang sabihin na lalaki ako?

        Kaya lang baka ikagalit nila kung aarte ako. Ayos lang naman sa akin kahit na ano.